मुंबई : वडाळा विधानसभा मतदार संघात भाजप आमदार कालिदास कोळंबकर यांच्या तर्फे आमदार चषक स्पर्धेचे आयोजन करण्यात आलं . या आमदार चषकाचं उद्घाटन माजी मुख्यमंत्री आणि विधानसभेचे विरोधी पक्षनेते देवेंद्र फडणवीस यांच्या हस्ते करण्यात आले. यावेळी त्यांनी फलंदाजी करत काही फटके देखील लगावले. क्रिकेटच्या मैदानात फटके लगावून झाल्यानंतर त्यांनी पत्रकारांशी बोलताना राजकीय फटकेबाजी देखील केली.
‘मला बॅटिंग करायला मजा येते. लहानपणी मी बॅटिंग-बॉलिंग दोन्ही करायचो. फिल्डिंग कमी करायचो पण ज्यावेळी करायचो त्यावेळी कॅच सुटायचे नाहीत. मी बॉडीलाईन बोलिंग करत नाही. मी अतिशय लॉजिकल ऑन द स्टम्प बोलिंग करतो. माझा शॉर्टपिचही बॉल नसतो. मात्र, माझ्या गोलंदाजीने समोरच्याला बॅटिंग करताना, अडचण येते,’ असा टोला देखील त्यांनी लगावला होता.
राज्याचे विरोधी पक्षनेते देवेंद्र फडणवीस यांनी एका क्रिकेट स्पर्धेच्या उद्घाटनाच्या ठिकाणी मला फटकेबाजी करायला मजा येते, असे सूचक वक्तव्य केले होते. त्यांच्या या वक्तव्याचा शिवसेना नेते संजय राऊत यांनी समाचार घेतला. देवेंद्र फडणवीस यांनी लूज बॉलवर फटकेबाजी जरूर करावी. पण मोठ्या विकेट या लूज बॉलवरच जातात, हे त्यांनी लक्षात ठेवावे. स्पिनर बॉलर कधी फास्ट चेंडू टाकत नाही. महाराष्ट्रात फक्त चंद्रशेखर भागवत हे एकटेच गुगली टाकायचे. बाकी गुगली गोलंदाज हे डुप्लिकेट आहेत, असे संजय राऊत यांनी म्हटले.
महत्वाच्या बातम्या
- दीपाली चव्हाण प्रकरण : DCF शिवकुमार आणि रेड्डींवर सदोष मनुष्य वधाचा गुन्हा दाखल करा – वाघ
- आईच्या आठवणीत अर्जुन व्याकूळ ; लिहिली भावुक पोस्ट !
- मोठी बातमी : … तर २ एप्रिलला कठोर निर्णय घ्यावाच लागेल, अजित पवारांनी दिले लॉकडाऊनचे संकेत
- ‘तो कृष्णा नाही तर करिष्मा’, शोएब अख्तर प्रसिद्ध कृष्णाच्या गोलंदाजीवर फिदा
- लॉकडाऊनच्या धास्तीने नागरिकांनी केली बँकांमध्ये गर्दी
बातम्यांसाठी YouTube चॅनेल Subscribe करा
Subscribe Now
