बीड : महाराष्ट्राला काका-पुतण्याचा संघर्ष काही नवा नाही. ठाकरे, मुंडे ते बीडचे क्षीरसागर यांच्यातील वाद नेहमीच सुरु असतो. बीड मध्ये माजी मंत्री आणि शिवसेना नेते जयदत्त क्षीरसागर आणि राष्ट्रवादी कॉंग्रेसचे आमदार संदीप क्षीरसागर यांच्यात नेहमीच टोकाचा संघर्ष पाहायला मिळत असून बीडमध्ये या काका पुतण्याचे शह-कटशहाचे सुरु असते.
आता राष्ट्रवादीचे आमदार संदीप क्षीरसागर यांचे समर्थक, नगरसेवक बाळासाहेब गुंजाळ यांनी शिवसेनेत प्रवेश केला आहे. माजी मंत्री जयदत्त क्षीरसागर, नगराध्यक्ष भारतभूषण क्षीरसागर, शिवसेनाप्रमुख कुंडलिक खांडे आदींच्या उपस्थित गुंजाळ यांनी हातात शिवबंधन बांधले आहे. राष्ट्रवादी काँग्रेसचे आमदार संदीप क्षीरसागर यांचे ते कट्टर समर्थक होते. त्यामुळे हा काकांनी पुतण्याला दिलेला जबर दणका असल्याचे बोलले जात आहे.
पेठ बीड भागातील सिंहासनाधिश ग्रुपच्या माध्यमातून युवकांचे मोठे संघटन निर्माण करणाऱ्या बाळासाहेब गुंजाळ यांनी नगरसेवकपद भूषविले. गुंजाळ यांनी सोमवारी शिवसेना पक्षप्रमुख, मुख्यमंत्री उध्दव ठाकरे, संपर्क प्रमुख आनंद जाधव, माजीमंत्री जयदत्त क्षीरसागर, जिल्हाप्रमुख कुंडलिक खांडे, नगराध्यक्ष डॉ. भारतभूषण क्षीरसागर यांच्या नेतृत्वावर विश्वास ठेवून राष्ट्रवादी काँग्रेसला अखेरचा रामराम करत शिवसेनेत प्रवेश केला. बाळासाहेब गुंजाळ यांच्या प्रवेशाने पेठ बीड भागात पुन्हा एकदा शिवसेनेचे भगवे वादळ निर्माण होणार आहे, असं शिवसेनेचे जिल्हाप्रमुख कुंडलिक खांडे म्हणाले आहेत.
महत्वाच्या बातम्या
- स्टेट बँकेच्या मदतीने ‘असा’ भरा इन्कम टॅक्स रिटर्न !
- ‘ईडी : येथे भाजप विरोधातील नेत्यांना नोटीस दिल्या जातात’
- रुग्णालयातून घरी परतल्यांनंतर रजनीकांत यांनी घेतला मोठा निर्णय
- शेतकरी विरोधी भाजपला गावात ‘नो एन्ट्री’, गावात आले तर घातला जाणार चपलेचा हार !
- फिनिक्स पक्षाप्रमाणे भारतीय संघाची ‘अजिंक्य’ भरारी !
