‘बाहेरचे फक्त बघे, ते सामील नसतात’; परदेशी सेलिब्रिटींच्या ट्विटवर सचिन तेंडुलकरची प्रतिक्रिया

🕒 1 min read

मुंबई : कृषी कायद्यांविरोधात मागच्या दोन महिन्यांपासून शेतकऱ्यांचे आंदोलन सुरू आहे. आता या आंदोलनाच्या समर्थनार्थ परदेशी सेलिब्रिटीही पुढे आले आहेत. पॉप सिंगर रिहानाने समर्थनार्थ ट्वीट केल्यानंतर पर्यावरण कार्यकर्ती ग्रेटा थनबर्ग, पूर्वाश्रमीची पॉर्न स्टार मिया खलिफानेही या आंदोलनाला पाठिंबा दिला.

हा विषय जागतिक सेलिब्रिटींनी उपस्थित केल्यानंतर आता देशातही एक आवाज उठविला जात आहे की, हा प्रश्न पूर्णपणे भारताचा अंतर्गत प्रश्न आहे. यामुळे यावर बोलण्याचा अधिकार फक्त भारतीय लोकांनाच मिळाला पाहिजे. क्रिकेटचा देव म्हणून ओळखल्या जाणाऱ्या सचिन तेंडुलकरनेही याबाबत सरकारला पाठिंबा दिला आहे.

India’s sovereignty cannot be compromised. External forces can be spectators but not participants.
Indians know India and should decide for India. Let's remain united as a nation.#IndiaTogether #IndiaAgainstPropaganda

— Sachin Tendulkar (@sachin_rt) February 3, 2021

सचिन तेंडुलकरने ट्विट केले की, “भारताच्या सार्वभौमत्वाशी तडजोड केली जाऊ शकत नाही. बाह्य शक्ती फक्त बघ्याची भूमिका असते, ते सहभागी नसतात. भारतीयांना भारत माहिती आहे आणि ते भारतासाठी निर्णय घेऊ शकतात. आपण एक राष्ट्र म्हणून एकजुटीने उभे राहूया.”

As the world's largest democracy, India is more than capable of taking her internal issues to amicable solutions. Onwards and upwards. #IndiaTogether#IndiaAgainstPropaganda

— Anil Kumble (@anilkumble1074) February 3, 2021

याबरोबरच माजी क्रिकेटपटू अनिल कुंबळे यांनी आपल्या ट्विटमध्ये लिहिले आहे की, जगातील सर्वात मोठी लोकशाही म्हणून भारत आपले अंतर्गत विषय शांततेने सोडविण्यास सक्षम आहे. दरम्यान, गृहमंत्री अमित शाह यांनी परराष्ट्र मंत्रालयाचे प्रवक्ते अनुराग श्रीवास्तव यांच्या ट्विटवर लिहिले की, कोणताही प्रचार देशाचे ऐक्य तोडू शकत नाही. आपण एकजूट होऊन प्रगतीच्या दिशेने जाऊ. कोणताही प्रचार भारताला उंचीवर जाण्यापासून रोखू शकत नाही.

दरम्यान, या प्रकरणावर बहुतांश परदेशी सेलिब्रिटींनी भाष्य केले आहे. पॉप स्टार रिहाना, पर्यावरण कार्यकर्ती ग्रेटा थनबर्ग यांनी भारतातील शेतकरी आंदोलनाला पाठिंबा दर्शवला. अडल्ट स्टार मिया खलिफानेही या विषयावर ट्विट केले आहे. याशिवाय अमेरिकेच्या उपराष्ट्रपती कमला हॅरिस यांची भाची मीना हॅरिस यांनीही शेतकरी आंदोलनावर भाष्य केले आहे.

महत्वाच्या बातम्या

• ‘महाराष्ट्र देशा’चा इम्पॅक्ट, बातमीनंतर जलवाहिनीच्या कामाची रक्कम भरली
• राज्यपाल नाही, मी तर राज्यसेवक आहे :भगतसिंह कोश्यारी
• ‘…त्यावेळी मुजोर ब्रिटिश सरकारलाही शेतकऱ्यांसमोर झुकावे लागले होते’
• परभणीत एसबीआय बँकेचे एटीएम फोडून 12,500 लंपास; नानलपेठ पोलिसांत गुन्हा दाखल
• ‘भविष्यात राष्ट्रीय समाज पक्ष किंगमेकर ठरेल’