मुंबई: महाराष्ट्रातील राजकारणावर संपूर्ण देशाची नजर लागली आहे. शिवसेनेशी बंड पुकारत शिवसेना नेते एकनाथ शिंदे (Eknath Shinde) आमदारांसह गुवाहाटीला मुक्काम ठोकून आहेत. सेनेचे अनेक आमदार त्यांच्या संपर्कात असल्याचे दिसून येत आहे. राज्यातील सत्ता परिवर्तनाचे वारे वाहताना दिसून येत आहे. भाजपसोबत सत्तास्थापन करण्याच्या विचारात एकनाथ शिंदे असल्याचे म्हटले जात आहे. या पार्श्वभूमीवरच आता काँग्रेस प्रवक्ते सचिन सावंत (Sachin Sawant) यांनी सूचक ट्वीट केले आहे.
इतिहास लढणाऱ्यांचा असतो. देशात हुकुमशाही सुरू असताना, संपूर्ण लोकशाही व्यवस्था उध्वस्त केली जात असताना याविरोधात कोण लढला? या प्रश्नाचा मागोवा भविष्यातील पिढ्या निश्चितच घेतील.
स्वातंत्र्य काळात कुठे होतात? या प्रश्नावर संघाची जी अवस्था होते ती आपली होता कामा नये.— Sachin Sawant सचिन सावंत (@sachin_inc) June 22, 2022
“इतिहास लढणाऱ्यांचा असतो. देशात हुकुमशाही सुरू असताना, संपूर्ण लोकशाही व्यवस्था उध्वस्त केली जात असताना याविरोधात कोण लढला? या प्रश्नाचा मागोवा भविष्यातील पिढ्या निश्चितच घेतील. स्वातंत्र्य काळात कुठे होतात? या प्रश्नावर संघाची जी अवस्था होते ती आपली होता कामा नये.”, असे ट्वीट सचिन सावंत यांनी केले आहे.
दरम्यान या सर्व घडामोडीनंतर काँग्रेस, राष्ट्रवादी तसेच शिवसेनेच्या बैठका सुरु आहेत. शिवसेना खासदार संजय राऊत यांनी “जास्तीत जास्त काय होणार, सत्ता जाणार पण पक्षाची प्रतिष्ठा महत्त्वाची” असल्याचे म्हटले आहे. तर दुसरीकडे एकनाथ शिंदे यांच्याकडे आमदारांची संख्या वाढताना दिसून येत आहे. त्यामुळे राजकारणात अनेक मोठ्या घडामोडी होण्याची चिन्हे आहेत.
महत्वाच्या बातम्या:
- “मी महाराष्ट्रीय असल्याचा…”; वरून धवनचे विधान चर्चेत
- Sandipan Bhumre : “आमचे 40 आमदार एकत्र आता शिंदेसाहेब म्हणतील तेच करु”, संदीपान भुमरे यांचे वक्तव्य
- Ranji Trophy 2022 Final : महासामन्यात मुंबईनं जिंकला टॉस; ‘अशी’ आहे दोन्ही संघांची Playing 11
- Eknath Shinde : “गटनेतेपदाची झालेली निवड ही अवैध पद्धतीची” ; एकनाथ शिंदे यांची प्रतिक्रिया
- दिग्गज क्रिकेटर युवराज सिंगच्या मुलाचं नाव ऐकलं का? ५ महिन्यानंतर केला खुलासा!
