औरंगाबाद: पोळा किंवा बैलपोळा हा श्रावण अमावस्या किंवा भाद्रपद अमावास्या या तिथीला साजरा करण्यात येणारा बैलांचा सण आहे. बैलांप्रती कृतज्ञता व्यक्त करणारा हा एक मराठी सण असून हा विशेषतः विदर्भात भव्य पातळीवर साजरा केला जातो. विदर्भातील सीमेवर असलेल्या मध्य प्रदेश व तेलंगण सीमाभागातसुद्धा हा सण साजरा होतो. ज्यांच्याकडे शेती नाही ते मातीच्या बैलाची पूजा करतात. शेतकऱ्यांसाठी अतिशय महत्त्वाचा असलेला हा सण महसूल तथा ग्रामविकास राज्यमंत्री अब्दुल सत्तार यांनी बांधावर जात शेतकऱ्यांसोबत साजरा केला.
शेतकऱ्यांसाठी सदैव कष्ट करणार्या बैलांबद्दल कृतज्ञता व्यक्त करणारा सण म्हणजे पोळा. यंदाच्या पोळा सणावर कोरोना सावट दिसून आले. महसुल तथा ग्रामविकास राज्यमंत्री अब्दुल सत्तार यांनी ग्रामीण भागात जाऊन पोळा सण साजरा करणे पसंद केले. पोळा निमित्त राज्यमंत्री अब्दुल सत्तार यांनी पिंपळदरी, वसई, हळदा, वसई वाडी आदी भागात जाऊन साध्या पध्दतीने पोळा सण साजरा करत शेतकऱ्यांना पोळा सणाच्या शुभेच्छा दिल्या.
कोरोनाच्या संभाव्य तिसऱ्या लाटेचा धोका लक्षात घेता सर्वांनी लसीकरण करून खबरदारी घ्यावी, कोरोनावर आपण नक्कीच मात करू, येत्या काळात सगळे संकट दूर होऊन सगळीकडे उत्साह, आनंद, चैतन्य, समृद्धी घेऊन येईल असा विश्वास व्यक्त करीत राज्यमंत्री अब्दुल सत्तार यांनी पोळा सणाच्या शेतकऱ्यांना शुभेच्छा दिल्या. यावेळी शिवसेना तालुकाप्रमुख देविदास पा. लोखंडे, पालोद गावचे सरपंच नासेर पठाण, उपसरपंच मॅचिंद्र पालोदकर आदींची उपस्थिती होती.
महत्त्वाच्या बातम्या
- पूरग्रस्त शेतकऱ्यांच्या मदतीसाठी शासन निर्णयाचे मुख्यमंत्र्यांनी दिले आश्वासन – राजू शेट्टी
- ‘करुणा शर्मांविरुद्ध कटकारस्थान ; एखादा मंत्रीच जर अन्याय, अत्याचार करत असेल तर…’
- गेल ऑम्व्हेट यांचे पुण्यात स्मारक उभारण्यासाठी प्रयत्न करणार – रामदास आठवले
- औरंगाबाद ग्रामीण भागात पाचवी ते सातवीच्या वर्गांची घंटा वाजली!
- राष्ट्रवादीच्या आजी – माजी आमदारांची महत्वाची बैठक बुधवारी; शरद पवार स्वतः घेणार आढावा
बातम्यांसाठी YouTube चॅनेल Subscribe करा
Subscribe Now
