‘लबाड लांडगा ढोंग करतंय…’; रूपाली पाटलांचा सोमय्यांना टोला

पुणे: भाजप नेते किरीट सोमय्या (Kirit Somaiya) काही दिवसांपूर्वी घोटाळा बाहेर काढण्यासाठी पुणे महानगरपालिकेत (PMC) आले होते. त्यावेळी शिवसैनिकांनी त्यांना धक्काबुक्की केली होती. त्यात सोमय्या यांना किरकोळ दुखापत झाली होती. या घटनेनंतर सोमय्या पुन्हा एकदा पुणे महापालिकेत आले होते यावेळी त्यांचा सत्कार करण्यात आला होता. या सर्व घटनांवर राष्ट्रवादी कॉंग्रेसच्या नेत्या रूपाली ठोंबरे पाटील यांनी टीका केली आहे.

राष्ट्रवादी कॉंग्रेसच्या नेत्या रुपाली पाटील (Rupali Thombre Patil) यांनी सोशल मिडियावर लाईव्ह येऊन भाजप नेते किरीट सोमय्या यांच्यावर टीका केली आहे. यावेळी बोलताना त्या म्हणाल्या, पुणे पालिकेत येऊन तुम्ही नक्कीच भ्रष्टाचार बाहेर काढला पाहजे. पण भाजपच्या नेत्यांनी देखील जो भ्रष्टाचार केला आहे तो देखील तुम्ही बाहेर काढला पाहिजे तसेच भ्रष्टाचाराचे नाव घेऊन दिशाभूल करून नाही चालणार त्याची पुराव्यानिशी माहिती द्यावी लागेल, असे आवाहन रूपाली पाटील यांनी केले आहे.

पुढे बोलताना पाटील म्हणाल्या, ‘लबाड लांडगा ढोंग करतंय, जम्बो कोविडमध्ये दीपा एजन्सीचे लाड कोण पुरतोय’, असा खोचक टोला रूपाली पाटील यांनी लगावला आहे. जम्बो कोविडमध्ये दीपा एजन्सीने देखील घोटाळा केला आहे. तसेच रेमेडेसीव्हीरचा देखील भ्रष्टाचार भाजप नेत्यांनी केला आहे, त्याची सुद्धा चौकशी करा, असे आव्हान रूपाली ठोंबरे पाटील यांनी केले आहे.

महत्वाच्या बातम्या:

• ‘ठाकरे सरकारमध्ये उत्तर देण्याची हिम्मत नाही’; किरीट सोमय्यांची टीका
• उदयन राजे यांच्या कॉलर उडवण्याच्या स्टाईलवर सिद्धार्थ जाधव देखील खुश, म्हणाला…
• IPL AUCTION 2022: अंडर १९ संघातील सर्वात महाग खेळाडू ठरला ‘यश दयाल’ ; जाणून घ्या कोण आहे तो?
• IPL Auction 2022 : चेन्नईने नाकारल्यानंतर फाफ डुप्लेसिसने शेअर केला भावूक व्हिडिओ; म्हणाला..
• “अरुण गवळीच्या दारुच्या अड्ड्यावर माझे वडील… ”, जितेंद्र आव्हाडांचे मोठे वक्तव्य