असं कुठे असतं का किरीटजी? “स्वतःच नखाने मारून रक्त काढता मग..”, रुपाली पाटलांचा खोचक टोला

🕒 1 min read

मुंबई: भाजप नेते किरीट सोमय्या (Kirit Somaiya) यांच्या गाडीवर  शनिवारी खार पोलीस स्थानकासमोर हल्ला झाला होता. मात्र सोमय्या यांच्या हनुवाटीला झालेली जखम कृत्रिम असण्याची शंका व्यक्त केली जात आहे. या पार्श्वभूमीवर पोलिसांकडून तपास केला जाणार असून सत्यता पडताळण्यासाठी परिसरातील सीसीटीव्हीही तपासले जाणार आहे. मात्र यावरच राष्ट्रवादीच्या नेत्या रुपाली पाटील (Rupali Patil ) ठोंबरे यांनी खोचक सवाल करत सोमय्यांना टोला लगावला आहे.

“असं कुठे असते का किरीटजी? तुमचा संबंध नसताना तुम्ही जाणीवपूर्वक चेतावणी द्यायला जाता, स्वतःच नखाने मारून रक्त काढता आणि नंतर मारले मारले बोंब मारता. कायद्या, सुविधा ,समाज यांना वेठीस धरता. हे कोणाच्या सांगण्यावरून करत आहात? तुम्ही आहात तरी कोण? माजी खासदार,  बेछूट ,बेसलेस आरोप करण्याशिवाय आपली ओळख काय? याचा विचार करावा.”, असा टोला रुपाली पाटील यांनी फेसबुक पोस्ट करत लगावला आहे.

https://www.facebook.com/Rupalispeak/posts/7575605779146387

तसेच “महाराष्ट्रात अनेक महत्वाचे प्रश्न आहे ते सामोरे जाऊन सोडवण्याचा प्रयत्न यशस्वी करू या. त्यात हातभार लावा किरीटजी, बघा चांगलं वागणं, चांगला माजी लोकप्रतिनिधी बनता येत का? तुम्ही प्रयत्न केला तर नक्की जमेल. तुम्ही परप्रांतीय असले तरी महाराष्ट्राच्या मिठाला जागताल!”, असेही रुपाली पाटील यांनी म्हटले आहे. दरम्यान सोमय्यांवरील हल्ल्यानंतर भाजपने आक्रमक भूमिका घेत राज्यातील कायदा-सुव्यवस्था बिघडले असल्याचे म्हटले आहे. तसेच भाजप नेत्यांनी राष्ट्रपती राजवटीचीही मागणी केली आहे.

महत्वाच्या बातम्या: 

• “अबकी बार GST की मार, लेकर आयी…”, नाना पटोलेंचा हल्लाबोल
• “जोपर्यंत महिला खेटरं पुजन करणार नाही तोपर्यंत…”, चित्रा वाघ यांचा वडेट्टीवारांवर निशाणा
• ‘ओबीसी’ आरक्षणाबाबत आज सुप्रीम कोर्टात महत्वपूर्ण सुनावणी होणार !
• भोंग्याचा वाद! सर्वपक्षीय बैठकीला राज ठाकरेंनंतर फडणवीसांनी फिरवली पाठ
• “उत्तर प्रदेश आणि महाराष्ट्रात एकाच वेळी राष्ट्रपती राजवट लावा”- संजय राऊत