नवी दिल्ली : दिल्लीतील Aquila नावाच्या रेस्टॉरंटमधील एक व्हिडीओ सोशल मीडियावर तुफान व्हायरल झाला होता. या व्हिडीओद्वारे असे समोर आले होते की, यातील एका महिलेने साडी नेसल्यामुळे तिला रेस्टॉरंटमध्ये प्रवेश नाकारला होता. भारतीय संस्कृतीत पारंपारीक साडीला खूप महत्व आहे. मात्र साडी नेसल्यामुळे प्रवेश नाकारल्याने याबाबत सध्या सोशल मिडीयावर संताप व्यक्त करण्यात आला. त्यानंतर आता या रेस्टॉरंटवर कारवाई करुन हॉटेल बंद करण्यात आलं आहे.
या रेस्टॉरंटवर महापालिकेकडून कारवाई करण्यात आली आहे. हे हॉटेल विना परवाना असल्याने प्रशानसाकडून नोटिस जारी करण्यात आली आहे. दक्षिण दिल्ली महानगरपालिकेचे महापौर मुकेश सूर्यन यांनी कारवाईबाबतची माहिती दिली.21 सप्टेंबर रोजी परिसरातील सार्वजनिक आरोग्य निरीक्षकांना आढळलं, की रेस्टॉरंट परवान्याशिवाय, अस्वच्छ स्थितीत चालत होते आणि या रेस्टॉरंटने सार्वजनिक जमिनीवर बेकायदेशीर कब्जा केला असल्याचे देखील सांगण्यात आले आहे. यामुळे रेस्टॉरंटवर कारवाई केली आहे.
दरम्यान, व्हायरल व्हिडीओमध्ये साडी परिधान केल्यामुळं महिलेल्या रेस्टॉरंटमध्ये प्रवेश नाकरण्यात आला. त्यावरुन महिला आणि रेस्टॉरंटमधील कर्मचाऱ्यांमध्ये वादही होत असल्याचं दिसत आहे. शेफाली यांनी व्हिडीओ पोस्ट करत लिहिलं की, हे कोणी ठरवलं की, साडी ‘स्मार्ट वेअर’ नाही? मी यूएस, यूएई सोबतच यूकेमधील सर्वात उत्तम रेस्टॉरंटमध्ये साडी नेसून गेले होते. तिथे मला कोणीच थांबवलं नाही आणि हे रेस्टॉरंट भारतात एक ड्रेस कोड ठरवतंय आणि स्वतःच ठरवतंय की, साडी ‘स्मार्ट वेअर’ नाही? हे विचित्र आहे, असे त्या महिलेला सांगण्यात आले होते.
महत्वाच्या बातम्या
- शेतकऱ्याला ५० हजार रुपयांची मदत ताबडतोब जाहीर करा; राज ठाकरे यांची मागणी
- मुंबईचे माजी पोलीस आयुक्त परमबीर सिंग देश सोडून फरार झाले ?
- सहा महिन्यानंतर प्रत्येक सरकारी खात्यात ईलेक्ट्रिक वाहने असतील- आदित्य ठाकरे
- काँग्रेसमध्ये धुसफूस सुरूच : कार्यकारी समितीची (सीडब्ल्यूसी) बैठक ताबडतोब बोलावण्याची गुलाम नबी आझाद यांची मागणी
- आपल्या पक्षाला राष्ट्रीय अध्यक्षच नाही, त्यामुळे निर्णय कोण घेतंय याची कल्पना नाही – सिब्बल
बातम्यांसाठी YouTube चॅनेल Subscribe करा
Subscribe Now
