कोरोना रुग्णांसाठी ‘रेमेडिसिवीर’ जीवनदायी नाही; इंजेक्शनचा वापर आणीबाणीच्या स्थितीतच व्हावा

नांदेड: मागच्या वर्षभरापासून कोरोना महामारीने लोकांचे जगणे मुश्कील केले आहे. आता कोरोनाची दुसरी लाट आली आहे, या लाटेत रुग्णांची संख्या वाढत आहे. त्यामुळे रेमेडिसिवीर या इंजेक्शनच्या मागणीत वाढ झाली आहे. पण मुळात हे इंजेक्शन जीवनदायी नसल्याचे सांगितले जात आहे. या इंजेक्शनचा वापर अतिगंभीर रुग्णांसाठी व्हावा पण तरीही हे इंजेक्शन मनमानी पध्दतीने वापरले जात आहे.

त्यामुळे हे इंजेक्शन मूळ किंमतीपेक्षा किती तरी पटीने काळयाबाजारात विकल्या जात आहे. त्यामुळे केंद्रीय आरोग्य व कुटुंब कल्याण विभागाने एक मार्गदर्शक सूचना जारी करीत रेमडेसीवीर इंजेक्शन कोरोना रुग्णांसाठी शंभर टक्के जीवनदायी ठरत नसल्यामुळे त्याचा सर्रास होणारा वापर थांबवा, टाळा असे जाहीर केले आहे. काही दिवसांपूर्वी सोशल मिडियावर केंद्रीय आरोग्य व कुटुंब कल्याण मंत्रालयाच्या मार्गदर्शक सूचना आल्या आहेत.

त्यानुसार रेमडेसीवीर इंजेक्शनचा कोरोना रुग्णांसाठी सर्रास होणारा वापर वा अनावश्यक वापर करणे वैद्यकीय संहितेच्या विरुध्द असल्याचे म्हटले आहे. तसेच रेमडेसीवीर हे इंजेक्शन प्रायोगिक तत्वावर आाणि आणीबाणीच्या स्थितीतच वापरासाठी आहे. कोरोना रुग्णांसाठी हे इंजेक्शन जीवनदायी ठरू शकत नाही. त्यामुळे कोरोना रुग्णांचा मृत्यू रोखण्यात मदत झाली असे काहीही अभ्यासात आढळून आलेले नाही. केवळ रेमडेसीवीर इंजेक्शन दिले की, कोरोना रुग्णाचा जीव वाचतो असे काहीही नाही.ज्यांचे आजार गंभीर आहेत किंवा ज्यांचे ऑक्सिजनचे प्रमाण कमी होत आहे अशांसाठी ते वापरले जाऊ शकते.

महत्वाच्या बातम्या

• नांदेड जिल्ह्यात कोविड सेंटरमध्ये चाकूचा धाक दाखवत गोंधळ
• इयोन मॉर्गनला एका पाठोपाठ दोन झटके ; सामनाही गमावला आणि…
• विजयानंतर दिल्लीच्या आवेश खानने रोहित शर्माची भेट; रोहितकडून घेतली ‘ही’ खास भेट
• कोरोना अलर्ट! नांदेड जिल्ह्यात १३७२ नवे बाधीत, २५ जणांचा मृत्यू
• पॅट कमिन्सने चेन्नईच्या तोंडचे पाणी पळवले ; षटकारासह पडला चौकाराचा पाऊस