‘आरसीबी आयपीएल विजेता बनू शकतो पण…’

🕒 1 min read

मुंबई : आयपीएलमध्ये रविवारी झालेल्या पहिल्या सामन्यात बेंगलूरु रॉयल्स चॅलेंजर्सने कोलकाता नाइट रायडर्स संघाचा ३८ धावांनी पराभव केला. या विजयासोबतच विराट कोहलीच्या आरसीबी संघाने विजयाची हॅटट्रिक केली. आतापर्यंतच्या झालेल्या आरसीबीच्या संघाने एकही सामना गमावला नाहीए, त्यामुळे आरसीबी हा संघ अद्याप अजिंक्य आहे.या सामन्यात विजय मिळवत आरसीबीने विजयाची हॅटट्रिक साधली आहे.

दरम्यान, आयपीएलच्या आजच्या पहिल्या डबल-हेडर सामन्यात रॉयल चॅलेंजर्स बेंगलोरने 38 धावांनी शानदार विजय मिळवला. आरसीबीच्या सलग तिसऱ्या विजयात ग्लेन मॅक्सवेल आणि एबी डिव्हिलियर्स यांनी मोलाचा वाटा उचलला. यावरच वॉन यांनी मोठी भविष्यवाणी केली.

This is best balanced @RCBTweets for many many years …. Could this be the year !!!! Only if they beat @mipaltan in the knockouts !!!! #DoubtIt #IPL2021

— Michael Vaughan (@MichaelVaughan) April 18, 2021

माजी इंग्लिश कर्णधाराने म्हटले की, आरसीबी आयपीएल विजेता बनू शकतो पण नॉक आउट्समध्ये त्यांना पाच वेळा आयपीएल विजेते मुंबई इंडियन्सचा अडथळा दूर करावा लागणार आहे. ‘बर्‍याच वर्षांपासूनच हे सर्वोत्तम संतुलित आरसीबी आहे. हे त्यांचे वर्ष असू शकते!!! नॉकआउट्समध्ये त्यांनी मुंबई इंडियन्सचा पराभव केला तरच!’ असं ट्विट वॉन यांनी आरसीबीच्या सलग तिसऱ्या आयपीएल विजयानंतर केले.