मुंबई : मुख्यमंत्री उद्धव ठाकरे यांचा आज वाढदिवस आहे. या प्रसंगी खासदार संजय राऊत यांनी उद्धव ठाकरे यांना वाढदिवसाच्या शुभेच्छा दिल्या. मुख्यमंत्री उद्धव ठाकरे प्रत्येकाला आपला कुटुंब प्रमुख वाटतात. हे त्यांच्या नेतृत्वाचं यश आहे. घरातला माणूस नेतृत्व करतो, असं प्रत्येकाला वाटतं. हे नेतृत्व प्रदीर्घ काळ टिकेल. राष्ट्रालाही त्यांच्या संयमी, प्रखर राष्ट्रवादी आणि हिंदुत्वावादी नेतृत्वाची गरज आहे. ते देशाला नेतृत्व देतील, अशा शुभेच्छा मी त्यांना देतो, असं ते म्हणाले.
यावरून आता विधानसभेचे विरोधी पक्षनेते देवेंद्र फडणवीस यांनी संजय राऊत यांना टोला लगावला आहे. उद्धव ठाकरेंनी राष्ट्रीय नेता व्हावं पण राष्ट्रवादीपेक्षा मोठं नाही, असं राऊतांना वाटतं, असं म्हणत फडणवीसांनी शिवसेनेसह राष्ट्रवादीला देखील लक्ष्य केलं आहे. दरम्यान, राष्ट्रवादीचे अध्यक्ष शरद पवार यांनी देखील राऊतांच्या विधानावर भाष्य केलं आहे. ‘महाराष्ट्रातील नेता देशाचं नेतृत्व करत असेल तर आम्हाला आनंदच आहे,’ असं पवार यांनी म्हटलंय.
फडणवीसांच्या ठाकरेंना फोनद्वारे शुभेच्छा –
फडणवीसांनी उद्धव ठाकरेंना शुभेच्छा देखील दिल्या आहेत. माननीय मुख्यमंत्र्यांना मी फोन करुन वाढदिवसाच्या शुभेच्छा दिल्या आहेत. त्यांना जी संधी मिळाली आहे, त्या संधीचं सोनं करत त्यांनी जनतेची जास्तीत जास्त सेवा करावी, अशा शुभेच्छा फडणीस यांनी दिल्या आहेत.
महत्त्वाच्या बातम्या
- पुराचे खापर अधिकाऱ्यांवर फोडून मोकळे झालात, पण या तमाशावर लोक विश्वास ठेवतील का?
- पंडित जवाहरलाल नेहरू यांच्याबाबत राज्यपाल भगतसिंह कोश्यारी यांनी केलेले विधान दुर्दैवी
- आसाम मिझोराम सीमावादातून हिंसाचार, आसामच्या 6 पोलिसांचा मृत्यू
- ‘शेतकऱ्यांचा प्रश्न मार्गी लागत नाही तोपर्यंत रिंग रोडची मोजणी करून देणार नाही’
- ‘मुंबई इंडियन्स ते कसोटी संघात स्थान’ अवघ्या पाच महिन्यात बदलली सुर्याचे कारकिर्द
