रणजी ट्रॉफी : खेळाडूच्या धैर्याला सलाम ; नुकतेच नवजात मुलीला गमावले मात्र मैदानावर येत संघासाठी झळकावले शतक

🕒 1 min read

मुंबई: काही दिवसांपूर्वी नवजात मुलीला गमवल्यानंतर बरोदाच्या फलंदाज विष्णू सोलंकीने भुवनेश्वर येथे शुक्रवारी झालेल्या रणजी ट्रॉफी २०२२ च्या सामन्यात चंदीगडविरुद्ध शतक झळकावले आहे.पाचव्या क्रमांकावर फलंदाजीला आलेल्या सोलंकीने १६१ चेंडूत नाबाद १०३ धावांची खेळी केली आहे. त्याच्या या कर्तृत्वाचे सगळीकडून कौतूक होत आहे.

विष्णू सोलंकीने केलेल्या या शतकात १२ चौकारांचा समावेश होता आणि बडोद्याच्या फलंदाजाला सलामीवीर ज्योत्सनील सिंगची चांगली साथ लाभली. ज्योत्सनीलने धावबाद होण्यापूर्वी९६ धावा केल्या कारण बडोदाने चंदीगड गोलंदाजीवर वर्चस्व गाजवले. नवजात मुलीचे निधन झाल्याची दुर्दैवी बातमी मिळाली तेव्हा सोलंकी त्याच्या बडोदा सहकाऱ्यांसह भुवनेश्वरमध्ये होता. त्यानंतर तो आपल्या मुलीच्या अंत्यसंस्कारात सहभागी होण्यासाठी बडोदाला परतला. मात्र, तीन दिवसांनी त्यांनी भुवनेश्वरला परतण्याचा निर्णय घेतला.

What a player . Has to be the toughest player i have known. A big salute to vishnu and his family by no means this is easy???? wish you many more hundreds and alot of success ???????? pic.twitter.com/i6u7PXfY4g

— Sheldon Jackson (@ShelJackson27) February 25, 2022

सौराष्ट्रचा यष्टिरक्षक, फलंदाज शेल्डन जॅक्सन याने रणजी ट्रॉफी सामन्यात शतक झळकावताना त्याच्या वैयक्तिक शोकांतिकेला शह दिल्याबद्दल सोलंकीचे कौतुक केले. “काय खेळाडू आहे. माझ्या ओळखीतला सर्वात मजबूत खेळाडू असावा. विष्णू आणि त्याच्या कुटुंबाला एक मोठा सलाम हे सोपे नाही. तुला आणखी शतके आणि भरपूर यश मिळो,” जॅक्सनने ट्विट केले. “एका क्रिकेटपटूची गोष्ट ज्याने काही दिवसांपूर्वी आपल्या नवजात मुलीला गमावले. तो अंत्यसंस्काराला उपस्थित राहतो आणि शतक करण्यासाठी त्याच्या संघाचे प्रतिनिधित्व करण्यासाठी परत येतो. त्याच्या नावाला सोशल मीडियावर “लाइक्स” येत नाहीत, पण माझ्यासाठी विष्णू सोलंकी ही एक गोष्ट आहे. वास्तविक जीवनातील नायक. एक प्रेरणा,” बडोदा क्रिकेट असोसिएशनचे सीईओ शिशिर हट्टंगडी यांनीही ट्विट केले.

महत्वाच्या बातम्या 

• “मराठी भाषेचा आग्रह धरा, पण…”, विनोद तावडेंचे मोठे वक्तव्य
• “यशोमती ठाकुरांनी मनोरुग्णांचे उपचार करून घ्यावे”, मोठी बहिण म्हणत नवनीत राणांचा सल्ला
• वर्ल्डकपसाठी आयसीसीची अजब योजना ; कोविडचा उद्रेक झाल्यास महिला संघ ९ खेळाडूंसह खेळेल
• “अशोक गावडेची जीभ छाटा”, अमृता फडणवीसांबद्दलच्या ‘त्या’ वक्तव्यावरून चित्रा वाघ संतापल्या
• ‘माझा लढा श्रीमंत मराठ्यांसाठी नसून गरीब मराठ्यांसाठी आहे’ – संभाजीराजे भोसले