Ramdas Kadam । मुंबई : अब्दुल सत्तार (Abdul Sattar) यांनी सुप्रिया सुळे (Supriya Sule) यांच्याबाबत केलेल्या आक्षेपार्ह विधानाचा सर्वत्र निषेध होत आहे. हे प्रकरण ताजं असतानाच माजी मंत्री आणि शिंदे गटाचे नेते रामदास कदम (Ramdas Kadam) यांनी गलिच्छ भाषा वापरली आहे. शिवसेना नेते अनिल परब, सुभाष देसाई आणि विनायक राऊत यांच्यावर टीका करताना रामदास कदमांची जीभ घसरली आहे.
“अनिल परबांनी शिवसेना संपवण्याची सुपारीच घेतलीय. उद्धव ठाकरेंना अशीच माणसं आजुबाजूला लागतात”, असं म्हणत रामदास कदमांनी शिवराळ भाषेचा वापर केला आहे. यावेळी त्यांनी परब यांच्यासह सुभाष देसाई आणि विनायक राऊत यांचाही उल्लेख केला आहे. एका वृत्तवाहिनीशी बोलताना त्यांनी हे विधान केलं आहे.
शिवसेनेच्या नेत्यांचा एकेरी उल्लेख करत रामदास कदम (Ramdas Kadam) म्हणाले की, “अनिल परब (Anil Parab) यांना लवकरात लवकर तुरुंगात टाकायला पाहिजे. त्यांना आत टाकण्यात एवढा उशीर का होत आहे? हेच मला कळत नाही. माझ्या मुलावर सगळ्यात जास्त अन्याय अनिल परबांनी केलाय. दापोली आणि मंडणगडची नगरपरिषद शिवसेनेच्या ताब्यात होती. पण अनिल परबांनी माझा मुलगा योगेश कदम यांना बाजुला ठेऊन, या नगरपरिषदा राष्ट्रवादी काँग्रेसच्या घशात घालण्याचं काम केलं.”
पुढे ते म्हणाले, “सुभाष देसाई हा कान चावणारा आणि कानात बोलणारा माणूस आहे. जोपर्यंत हे नेते उद्धव ठाकरेंच्या आजुबाजूला आहेत, तोपर्यंत त्या पक्षाचं काहीही खरं नाही,” असंही रामदास कदम यांनी म्हंटल आहे. त्यांच्या या वक्तव्याला शिवसेनेकडून काय उत्तर येतंय हे पाहावं लागणार आहे.
महत्वाच्या बातम्या :
- Sanjay Gaikwad | “मी लहान मुलांवर हात उचलत नाही” ; आदित्य ठाकरेंना संजय गायकवाडांचे प्रत्युत्तर
- Travel Guide | स्वातंत्र्यानंतर पहिल्यांदाच खुली झाली आहेत काश्मीर मधली ‘ही’ चार सुंदर ठिकाण
- Sambhaji Bhide | “सुधाताईंनी कुणाला भेटणार नसल्याचं सांगितलं, पण हे महाशय हट्टाला पेटले होते”; कार्यक्रमाच्या आयोजकांचा दावा
- MNS on Ajit Pawar | “दया कुछ तो गडबड है…” ; मनसेची अजित पवारांवर खोचक टीका
- T20 World Cup | उद्या ‘या’ तीन दिग्गज खेळाडूंना मिळणार ICC Hall of Fame सन्मान
