कोल्हापूर : पूरग्रस्त शेतकऱ्यांना राज्य सरकारकडून मिळालेली मदत ही अत्यंत तोकड्या स्वरूपाची आहे. त्यामुळे गेल्या वर्षीप्रमाणे नुकसानभरपाई देण्यात यावी, या मागणीसाठी स्वाभिमानी शेतकरी संघटनेचे नेते राजू शेट्टी यांनी ठाकरे सरकार विरोधात ‘जलसमाधी’ आंदोलन पुकारले होते. मात्र आज त्यांनी नृसिंहवाडीकडे येथे होत असलेले जलसमाधी आंदोलन स्थगित केल्याची घोषणा केली आहे.
मुख्यमंत्री उद्धव ठाकरे यांनी आज राजू शेट्टी यांना चर्चेसाठी आमंत्रित केले आहे. त्यामुळे त्यांनी त्यांचे आंदोलन स्थगित केल्याचे म्हटले आहे.
दरम्यान पूरग्रस्त शेतकऱ्यांना राज्य सरकारकडून मिळालेली मदत ही अत्यंत तोकड्या स्वरूपाची आहे. यामुळे शेतकऱ्यांचे नुकसान भरून निघणार नाही यामुळेच पूरग्रस्त बांधवांचा सरकारवर प्रचंड रोष आहे. या रोषालाच वाचा फोडण्याचे काम राजू शेट्टी यांनी केले आहे. मात्र सरकार राजू शेट्टी व सोबतच्या हजारोंच्या शेतकऱ्यांच्या आक्रोशाकडे जाणूनबुजून दुर्लक्ष करत आहे, असा आरोप यावेळी बागल यांनी केला होता. त्यामुळे मुख्यमंत्र्यांनी याची दखल घेत राजू शेट्टी यांना चर्चेसाठी निमंत्रण दिले आहे.
महत्त्वाच्या बातम्या
- ‘मनी हाईस्ट’मधील ‘या’ भूमिकेत पंकज त्रिपाठीला पाहून चाहते भडकले
- बेळगाव महापालिका निवडणूक निकाल; भाजपला स्पष्ट बहुमत
- ‘सत्तेत आल्यावर महिलासबलीकरणाची व्याख्या बदलते का?’; चित्रा वाघ यांचा सुळेंना खोचक सवाल
- जावेद अख्तर यांना अटक करण्यापासून कोणी रोखलं आहे ? राम कदम यांचा थेट सवाल
- खेड : तरसाचा दोघांवर हल्ला, तरुणाने दाखवलेल्या प्रसंगावधानामुळे वृद्धाचा जीव वाचला
