“MNS ला राष्ट्रवादीची फूस असती तर राज ठाकरेंनी शरद पवारांना…”, अजित पवारांचे मोठे विधान

🕒 1 min read

मुंबई: मनसेला राष्ट्रवादी काँग्रेस फूस देत असल्याच्या आरोपांबाबत उप मुख्यमंत्री अजित पवार यांनी प्रतिक्रिया देत सर्व आरोप फेटाळून लावले आहेत. मनसेला राष्ट्रवादी काँग्रेसची फूस असती तर राज ठाकरे यांनी शरद पवार यांच्यावर जातीयवादी असल्याची टीका केली असती का? असा सवाल अजित पवार (ajit pawar) यांनी केला.

“मनसेला राष्ट्रवादी काँग्रेसची फूस असती तर राज ठाकरेंनी शरद पवारांना जातीयवादी म्हटले असते का? राज ठाकरे आज भाषणे करत असताना ते भाजपवर टीका करत नाहीत. शिवसेना, काँग्रेस आणि राष्ट्रवादी काँग्रेसवरच टीका करतात. मात्र लोकसभेला त्यांचा अजेंडा वेगळा होता. त्यावेळी त्यांनी फक्त भाजपला टार्गेट केले होते. ही वस्तुस्थिती मान्य करावी लागेल. २०१९ ला आघाडीला अप्रत्यक्ष फायदा होईल, अशा पद्धतीने त्यांनी सभा घेतल्या होत्या.”, असे अजित पवार म्हणाले आहेत.

मात्र लोकसभेला त्यांचा अजेंडा वेगळा होता. त्यावेळी त्यांनी फक्त भाजपला टार्गेट केले होते. ही वस्तुस्थिती मान्य करावी लागेल. २०१९ ला आघाडीला अप्रत्यक्ष फायदा होईल, अशा पद्धतीने त्यांनी सभा घेतल्या होत्या, असे अजितदादा म्हणाले.

— Nationalist Congress Party – Sharadchandra Pawar (@NCPspeaks) April 28, 2022

दरम्यान यावेळी अजित पवार यांनी नवनीत राणा या २०१४ च्या निवडणुकीत राष्ट्रवादी काँग्रेसच्या उमेदवार होत्या. त्यांचे पती रवी राणा हे राष्ट्रवादी पुरस्कृत उमेदवार होते. २०१९ ला पुन्हा रवी राणा आणि नवनीत राणा हे राष्ट्रवादी काँग्रेसचे पुरस्कृत उमेदवार असल्याचे म्हटले. आपण ज्यांना पुरस्कृत करतो, ते आपल्यासोबतच राहतील का? हे तपासण्याचे आपल्याकडे अजून तरी यंत्र नाही. काँग्रेस-राष्ट्रवादी आण शिवसेनेचे एकत्र सरकार येईल असे कुणालाच वाटले नव्हते. एके काळी ममता बॅनर्जी आणि भाजप एकत्र होते, आज ममतादीदी भाजपच्या विरोधक आहेत. बिहारमध्ये नितीश कुमार कधी भाजप सोबत असतात कधी भाजपचे विरोधक होतात. त्यामुळे अशा घटना आपल्या इथेच नाही, तर भारतभर घडत असतात. असे अजित पवार यांनी म्हटले.

महत्वाच्या बातम्या: 

• IPL 2022 GT vs SRH : मुरलीधरनचं असं रुप पाहिलंय का? ‘या’ गोष्टीमुळं रागानं लालबुंद झाला आणि…! पाहा VIDEO
• “उत्तर प्रदेशात योगींनी काय करावे, हा त्यांचा अधिकार पण महाराष्ट्रात…”, भोंगे संदर्भात अजित पवारांचे मोठे वक्तव्य
• “…हे तपासण्याचे आपल्याकडे अजून तरी यंत्र नाही”, अजित पवार यांचे वक्तव्य
• IPL 2022 : आधीच ८ पराभव आणि त्यात…! मुंबई इंडियन्सला बसला अजून एक धक्का; वाचा घडलंय काय?
• “मोदींच्या बैठकीत मुख्यमंत्र्यांना टोमणे मारण्याचंच काम जास्त झालं”- संजय राऊत