मेलबर्न क्रिकेट ग्राउंडवर शतकी खेळी करणारा रहाणे आशिया खंडातील चौथा कसोटी कर्णधार

🕒 1 min read

ऑस्ट्रेलिया :  भारतीय संघाचं नेतृत्व करणाऱ्या अजिंक्य रहाणेने ऐतिहासिक बॉक्सिंग डे कसोटीत आपलं नाणं खणखणीत वाजवून दाखवलं आहे. मेलबर्नच्या मैदानावर पाय रोवून कांगारुंच्या माऱ्याचा सामना करत अजिंक्य रहाणेने शतक झळकावलं.

मेलबर्न क्रिकेट ग्राउंडवर चालू असलेल्या ‘बॉक्सिंग डे’ कसोटीत अजिंक्य रहाणेने ‘कॅप्टन्स इनिंग’ खेळताना भारतीय संघाला आघाडीच्या दिशेने वाटचाल करून दिली. भारताने दुसऱ्या दिवसाखेर पहिल्या डावात ५ बाद २६६ धावा केल्या आहेत. दरम्यान भारतीय संघाचा प्रभारी कर्णधार रहाणेने शतक ठोकत मानाच्या पंगतीत स्थान मिळवले आहे.

संघाची परिस्थिती लक्षात घेता रहाणेने बचावात्मक फलंदाजी केली आणि पाहता-पाहता नाबाद १०४ धावांपर्यंत मजल मारली. २०० चेंडूत १२ चौकार ठोकत त्याने ही धावसंख्या गाठली. मेलबर्न क्रिकेट ग्राउंडवर हे रहाणेचे दुसरे शतक आहे. याबरोबरच मेलबर्न क्रिकेट ग्राउंडवर शतकी खेळी करणारा रहाणे आशिया खंडातील चौथा कसोटी कर्णधार आहे.

आजवर विराट कोहली, एमएस धोनी, कपिल देव, सौरव गांगुली अशा सर्वोत्कृष्ट भारतीय कर्णधारांनाही हा किर्तिमान मिळवता आला नाही. रहाणेव्यतिरिक्त केवळ मास्टर ब्सास्टर सचिन तेंडूलकरने हा पराक्रम केला आहे. १९९९ साली मेलबर्न क्रिकेट ग्राउंडवर ११६ धावांसह शतकी खेळी करणारा तो पहिला भारतीय कर्णधार ठरला होता.

महत्वाच्या बातम्या

• नव्या कोरोना विषाणूच्या पार्श्वभूमीवर ‘या’ देशाने सर्व प्रकारचे व्हिसा रद्द केले
• ग्रामपंचायतींवर भगवा फडकवण्यासाठी अब्दुल सत्तारांच्या गावागावात बैठका सुरु
• इंग्लंडवरुन आलेल्या प्रवाशांच्या विशेष सर्वेक्षणात आढळून आले १६ जण कोरोना पॉझिटिव्ह
• नवीन कोरोना विषाणूच्या पार्श्वभूमीवर अधिक दक्षता घेण्याची गरज : अजित पवार
• हृतिक रोशन लवकरच करणार ओटीटीवर पदार्पण; ‘या’ मालिकेत साकारणार भूमिका