आयपीएल गाजवणाऱ्या पुणेकर ऋतुराज गायकवाडचे पिंपरीत जंगी स्वागत!

🕒 1 min read

पुणे : इंडियन प्रीमियर लीग स्पर्धेच्या यंदाच्या हंगामात चेन्नई सुपरकिंग्ज संघाकडून खेळणाऱ्या ऋतुराज गायकवाडने यंदा सर्व चेन्नई समर्थकांची आणि क्रिकेरसिकांची मनं जिंकली. यंदाच्या आयपीएल हंगामात त्याने सर्वाधिक म्हणजेच 635 धावा करत ऑरेंज कॅपदेखील पटकावली.

आयपीएल संपवून ऋतुराज गायकवाड आज भारतात परतलाय. यावेळी त्याचे पिंपरी चिंचवडकरांनी फटाक्यांच्या आतषबाजीत सकाळी दमदार स्वागत केले. ऋतुराज घरी आज परत येणार असल्याची माहिती नसल्याने व्यायाम आणि फेरफटका मारण्यासाठी बाहेर पडलेल्या नागरिकांनीही ऋतुराज दिसताच त्याला शुभेच्छा दिल्या आहेत.

सर्वात कमी वयात ऑरेंज कॅप जिंकणारा ऋतुराज या लीगमधील पहिला खेळाडू ठरला आणि त्याने 24 वर्षात हा पराक्रम केला आहे. सर्वात लहान ऋतुराज गायकवाडने आयपीएलमध्ये ऑरेंज कॅप जिंकली. कोलकाता नाईट रायडर्सविरुद्धच्या अंतिम सामन्यात ऋतुराज गायकवाडने त्याच्या डावाच्या जोरावर या मोसमात सर्वाधिक धावा केल्या.

यानंतर, अंतिम सामन्यात 86 धावांची खेळी खेळताना, डु प्लेसिस ऋतुराजच्या अगदी जवळ आला आणि 16 सामन्यात 633 धावा केल्या आणि सर्वाधिक धावा काढण्याच्या बाबतीत तो दुसऱ्या स्थानावर होता. त्याचबरोबर केएल राहुलने 13 सामन्यांमध्ये 626 धावा केल्या आणि तिसरे स्थान मिळवले. ऋतुराजने या हंगामाच्या 16 सामन्यांत 45.35 च्या सरासरीने 635 धावा केल्या. या मोसमात त्याने एक शतक आणि चार अर्धशतके देखील केली आणि त्याची सर्वोत्तम धावसंख्या नाबाद 101 होती. त्याने या मोसमात 64 चौकार आणि 23 षटकार मारले आहेत.

महत्त्वाच्या बातम्या

• आगामी महापालिका निवडणूकांसंदर्भात गडकरी आणि फडणवीस यांच्यात चर्चा
• ३७० कलम रद्द करुनही काश्मीरप्रश्न सुटलेला नाही- मोहन भागवत
• ‘कारवाई करणार असेल तरच यावं अन्यथा…’; उदयनराजेंचे ईडीला पुन्हा एकदा आव्हान
• कुणी ‘शेण खा’ म्हटलं तर तू खातोस का? शिवसेना आमदारांचा राष्ट्रवादीच्या आमदाराला खोचक सवाल
• मोदींची घोषणा! अयोध्येच्या तीर्थयात्रेसाठी भाजप सरकार ५० हजारांची आर्थिक मदत करणार