रुग्णालयात नर्सच्या वेशात आली आणि बाळ पळवून गेली; पोलिसांनी ‘असा’ लावला छडा

पुणे : रुग्णालयातून बाळ पळवून नेल्याच्या अनेक घटना समोर येत असतात. आता पुण्यातील ससून रुग्णालयातील एक धक्कादायक घटना समोर येत आहे. या घटनेमुळे रुग्णालयाच्या सुरक्षेबाबत प्रश्न निर्माण होत असून बाळ पळवणाऱ्या टोळ्या अनोख्या शक्कल लढवत असल्याच समोर आलं आहे. बाळ चोरणारी महिला सीसीटीव्ही कॅमेऱ्यात कैद झाल्याने पोलिसांनी लगेच छडा लावत आरोपी महिलेसह तिच्या पतीला अटक केली आहे.

कोणाला संशय येऊ नये म्हणून चोरट्या महिलेने चक्क नर्सच्या वेशाची मदत घेतली. ससून रुग्णालयात नर्स म्हणून प्रवेश केल्यानंतर ठरल्याप्रमाणे बाळाला पळवले. यानंतर आईला आपले बाळ कुठेच न दिसल्याने आरडा ओरडा केला. त्यानंतर हॉस्पिटमधून बाळ चोरीला गेल्याचं समजलं. या बाळाचं वय अवघे ३ महिने होते. रुग्णालय प्रशासनाला ही महिला सीसीटीव्हीमध्ये कैद झाल्याचे समजले.

या सीसीटीव्हीच्या आधारे पोलिसांनी अवघ्या काही तासांत आरोपींचा छडा लावत ते बाल सुखरूप आईकडे परत केले. अनेकदा बाळ चोरीच्या घटना समोर येत असतात, मात्र या चोरीमागे महिलेचा उद्देश काही वेगळाच होता. या महिलेला मूल होत नव्हतं. त्यामुळे या महिलेने हा कारनामा केल्याची प्राथमिक माहिती समोर येतेय. मात्र असं असलं तरी, या निमित्ताने ससून रुग्णालयातील सुरक्षेचा मुद्दा ऐरणीवर आलाय.

महत्त्वाच्या बातम्या

• साकीनाका प्रकरणाचा खटला फास्ट ट्रॅक कोर्टात चालवा,आरोपीला फाशीच द्या – भाई जगताप
• बीसीसीआयने घेतलेल्या निर्णयावर गावसकर खूश; म्हणाले, ‘मुंबईतील २६/११ च्या हल्ल्यानंतर…’
• माफ कर ताई, तुला वाचवू शकलो नाही; साकीनाका बलात्कार प्रकरणी चित्रा वाघ यांना अश्रू अनावर
• कसोटी मालिकेतील शेवटच्या सामन्याबाबत २२ सप्टेंबरला मोठा निर्णय होण्याची शक्यता
• आयपीएलमुळे सामना रद्द; इंग्लंड क्रिकेट बोर्डाचं सुचक वक्तव्य