पुणे: मराठा आरक्षणाच्या मुद्द्यावरून ( Maratha Reservation Issue ) छत्रपती संभाजीराजे पुन्हा एकदा आक्रमक होत आहेत. छत्रपती संभाजीराजे येत्या २६ फेब्रुवारीपासून आझाद मैदानावर उपोषणाला बसणार आहे. त्यांच्या या उपोषणाला पुणे जिल्ह्यातील मराठा क्रांती मोर्चाच्यावतीने जाहीर पाठिंबा देण्यात आला आहे. तसेच या उपोषणाला जिल्ह्यातील हजारो नागरिक जाणार असल्याची माहिती मराठा क्रांती मोर्चाचे समन्वयक राजेंद्र कोंढरे यांनी दिली.
भाजप खासदार संभाजीराजे हे मराठा आरक्षणाच्या मुद्द्यावर उपोषणाला बसणार आहेत. या उपोषणाला पाठिंबा देणार असल्याचे मराठा क्रांती मोर्चाच्या सदस्यांनी सांगितले आहे. त्याचसोबत विजय वड्डेटीवार यांनी शाहू महाराज संभाजी यांच्याबद्दल केलेल्या वक्तव्याची दखल काँग्रेस श्रेष्ठी आणि मुख्यमंत्र्यांनी घ्यावी. तसेच विजय वड्डेटीवार हे ओबीसी आणि मराठा समाज यात दृविकरण करत असल्याचा आरोप देखील करण्यात आला.
महत्वाच्या बातम्या:
