मुंबई: पाकिस्तान सुपर लीगला यावेळी नवा चॅम्पियन मिळाला आहे. प्रोफेसर म्हणून ओळखल्या जाणाऱ्या मोहम्मद हाफीजच्या (mohmmad hafis) अष्टपैलू कामगिरीच्या जोरावर लाहोर कलंदर्सने रविवारी रात्री गद्दाफी स्टेडियमवर खेळल्या गेलेल्या अंतिम सामन्यात मुलतान सुलतान्सचा ४२ धावांनी एकतर्फी पराभव करून प्रथमच पीएसएलचे विजेतेपद पटकावले आहे.
मुलतानच्या (multan sultans) संघाने गटातील १० पैकी ९ सामने जिंकले. मात्र अंतिम फेरीत प्रोफेसर म्हणून ओळखल्या जाणाऱ्या हाफिजने त्याला मागे टाकले. प्रथम फलंदाजी करताना लाहोर कलंदरने (lahor qalandars) २० षटकांत ५ बाद 180 धावा केल्या. संघाची सुरुवात चांगली झाली नाही. मात्र हाफिजने आपल्या अनुभवाचा पुरेपूर फायदा घेत ४६ चेंडूंत नऊ चौकार आणि एक षटकार खेचत ६९ धावांची सर्वोत्तम खेळी खेळत संघाला मजबूत धावसंख्येपर्यंत नेले. त्याच्याशिवाय हॅरी ब्रूकने २२ चेंडूत ४१ तर डेव्हिड व्हिसाने ८ चेंडूत २३ धावा केल्या.
Lahore Lahore hai, Aur Trophy bhi ab Lahore hi hai.
Well done @lahoreqalandars and @MultanSultans and congratulations on a splendid game of cricket. #HBLPSL7 l #LevelHai l #MSvLQ I #HBLPSLFinal pic.twitter.com/mx8gFLWw0y— PakistanSuperLeague (@thePSLt20) February 27, 2022
लाहोरच्या घातक गोलंदाजीसमोर मुलतानचा संघ असहाय्य दिसत होता.मुलतान सुल्तान केवळ १३८ धावांवर परास्त झाले. मुलतानकडून खुशदिल शाहने ३२ धावा केल्या. त्याच्याशिवाय कर्णधार मोहम्मद रिझवानला केवळ १४ धावा करता आल्या. फलंदाजीत चमकदार कामगिरी करणाऱ्या हाफिजनेही अप्रतिम गोलंदाजीही केली. त्याने चार षटकांत केवळ २३ धावा दिल्या आणि दोन विकेट्स घेतल्या. त्याच्याशिवाय शाहीन शाह आफ्रिदी आणि जमान खानने दोन विकेट्स घेतल्या.
महत्वाच्या बातम्या
- “राजेंना कोणीही मानसिक त्रास देऊ नका”, संयोगिताराजे यांची हात जोडून विनंती
- “शरणागती पत्करणार नाही आणि आमची…”; रशियाशी चर्चेपूर्वी युक्रेनच्या परराष्ट्रमंत्र्यांचे वक्तव्य
- IPL 2022: मयंक अग्रवाल ‘पंजाब किंग्ज’ चा नवा कर्णधार म्हणून घोषित
- भाजपने आता नवीन शिवव्याख्याते निर्माण केले आहेत- संजय राऊत
- Russia-Ukraine war : शांतता पुनर्प्रस्थापित व्हावी म्हणून दलाई लामा यांनी केली प्रार्थना
