औरंगाबाद : कोरोना प्रशासनाच्यावतीने शाळा महाविद्यालय, खाजगी कोचिंग क्लासेस बंद करण्याचे आदेश काढण्यात आले होते. परंतु ते पुन्हा सुरू करण्याची परवानगी देताना खाजगी कोचिंग क्लासेसचा कुठलाही उल्लेख करण्यात आलेला नाही. त्यामुळे गेल्या दीड वर्षांपासून संचालक व शिक्षकांवर उपासमारीची वेळ आली आहे. त्यामुळे आजपासून जवळपास ७० टक्के कोचिंग क्लासेसधारकांनी स्वनियमावली बनवून दारे उघडली आहेत. कारवाई केल्यास विद्यार्थी, पालक, कोचिंग क्लासेस संस्थाचालक, विद्यार्थी जेलभरो आंदोलन करतील असा ईशारा भाजप प्रणित कोचिंग क्लासेस असोसिएशनच्या वतीने देण्यात आला.
खासगी क्लासेस चालकांची उपासमारी थांबवण्यासाठी मंगळवारपासून शहरातील खाजगी कोचिंग क्लासेस सुरू करण्यात आले आहेत. सोमवारी भाजप प्रणित कोचिंग क्लासेस असोसिएशनच्या वतीने पत्रकार परिषद घेत हा निर्णय घेण्यात आला आहे. दिड वर्षांपासून शहरातील खाजगी कोचिंग क्लासेस बंद असल्याने खासगी शिकवणी घेणारे शिक्षक व प्राध्यापक यांचे उत्पन्न ठप्प झाले आहे. जवळपास दहा हजार शिक्षकांवर उपासमारीची वेळ आली आहे.
तसेच क्लासेसचे भाडे, शिक्षकांचे पगार, घराचे हप्ते, मुला-मुलींची शैक्षणिक फीस, सर्व कर्ज थकलेले आहे. त्यामुळे संचालकांवर आत्महत्येची वेळ येऊन ठेपली आहे. तसेच त्यांना अनेक आर्थिक अडचणींना सामोरे जावे लागत असल्याचे प्रदेशाध्यक्ष पांडुरंग माडकीकर म्हणाले विद्यार्थी पालकांसोबत जेलभरो आंदोलन करण्याचा इशाराही यावेळी असोसिएशनच्या वतीने सरकारला देण्यात आला. यावेळी राज्य उपाध्यक्ष प्रा. ज्ञानेश्वर दळवी, प्रा. योगेश रोजेकर आदींची उपस्थिती होती.
महत्त्वाच्या बातम्या
- शेअर बाजारात नवा उच्चांक, निफ्टी पहिल्यांदाच १६,६१४ पातळीवर बंद
- ‘बैलगाडी शर्यत सुरू करण्यासाठी शरद पवार, सुप्रिया सुळेंना भेटणार’
- मासिक १६ लाखाचे देयक देऊनही पैठण शहरातील गटारीचे पाणी रस्त्यावर!
- शाळा बंदच! बालभारतीकडून लाखो पुस्तके रद्दीत देण्यासाठी टेंडर
- ‘मुंबई ते औरंगाबाद बुलेट ट्रेन माझे स्वप्न ; ते नक्कीच पूर्ण करुन दाखवणार ‘ , रावसाहेब दानवेंचा विश्वास!
