पंकजाताईंवरील गुन्हा हा तर सत्तेचा गैरवापर अन् राजकीय जळफळाट; प्रीतम मुंडेंचा घणाघात

मुंबई- भगवान भक्तीगड सावरगाव या ठिकाणी ऑनलाईन दसरा मेळावा घेतल्याप्रकरणी भाजप नेत्या पंकजा मुंडे गोत्यात आल्या आहेत. पंकजा मुंडे यांच्या विरोधात अमळनेर मध्ये गुन्हा दाखल करण्यात आला आहे. अमळनेर पोलीस स्टेशनमध्ये जवळपास ४० ते ५०जणांविरोधात आपत्ती व्यवस्थापन कायद्यान्वये गुन्हा दाखल करण्यात आला आहे.

विजयादशमीच्या मुहुर्तावर (रविवार 25 ऑक्टोबर) सावरगाव घाट येथे पंकजा मुंडे यांचा दसरा मेळावा पार पडला. मोजक्या कार्यकर्त्यांच्या उपस्थितीत हा मेळावा ऑनलाईन घेण्याचं योजण्यात आलं होतं, मात्र तरीही पंकजा मुंडेंच्या अनेक समर्थकांनी यावेळी गर्दी केली. पंकजा मुंडे यांनी गोपीनाथ गडावर जाऊन नमस्कार केला. त्यानंतर भगवान गडावर पूजा-अर्चना केली आणि कार्यकर्त्यांना मार्गदर्शन केलं.

पंकजा मुंडे यांच्यासोबत उपस्थित असलेल्या लोकांनी कोणतंही सोशल डिस्टन्स पाळलं नाही. आपत्ती व्यवस्थापना संदर्भात घालून दिलेल्या नियमांचे पालन त्यांनी केले नाही असही स्पष्ट दिसतं असल्याच समोर आल्याने मुंडे यांच्या अडचणी वाढल्या आहेत. गुन्हा दाखल झालेल्यांमध्ये पाथर्डीच्या आमदार मोनिका राजळे, जिंतूरच्या मेघना बोर्डीकर, भीमराव धोंडे, सविता गोल्हार, विजय गोल्हार, सुवर्णा लांबरुड, संदेश सानप, राजेंद्र सानप, राजाभाऊ मुंडे आदी लोकांचा समावेश आहे.

सावरगांव येथील दसरा मेळाव्यात सोशल डिस्टन्सचे कारण पुढे करून पंकजा मुंडे यांच्यावर गुन्हा दाखल करण्यात आल्याने राज्यभरात भाजप कार्यकर्त्यांत तीव्र संतापाची लाट पसरली आहे. भाजपच्या कार्यकर्त्यांनी पंकजा मुंडे यांचेवरील गुन्हा तात्काळ मागे घ्यावा अशी मागणी केली आहे. दरम्यान, गुन्हे दाखल करण्याचं सत्र आता माझ्यापर्यंत आलं आहे असं ट्विट पंकजा मुंडे यांनी केलं आहे तर पंकजाताईंवरील गुन्हा हा तर सत्तेचा गैरवापर अन् राजकीय जळफळाट असल्याची प्रतिक्रिया खा. प्रितम मुंडे यांनी व्यक्त केली आहे.

गोरगरीब ऊसतोड कामगार आणि राज्यातील कष्टकरी वंचितांचा ऊर्जास्थान असणारा मेळावा रोखण्याचे सर्व प्रयत्न विफल ठरल्यामुळे नैराश्य आलेल्या विरोधकांनी सत्तेचा गैरवापर करून पंकजा मुंडे यांचेवर गुन्हा दाखल केला आहे. हा गुन्हा केवळ राजकीय जळफळाट आहे असे खासदार डॉ.प्रितम मुंडे यांनी म्हटले आहे.

पंकजाताई मुंडे यांच्या दसरा मेळाव्याला दरवर्षी सारखाच यंदाही मोठा प्रतिसाद मिळाला.मेळाव्याला प्रतिसाद मिळू नये म्हणून पाण्यात देव घातलेल्या लोकांची या मेळाव्याने पायाखालची वाळू सरकली आहे. कोरोना महामारीच्या संकटात देखील भक्ती आणि शक्तीची परंपरा ऑनलाइन मेळाव्याच्या माध्यमातून जोपासली गेली आणि पंकजाताईंचे म्हणणे लाखो लोकांपर्यंत पोहोचले. ऑनलाइन मेळाव्याच्या माध्यमातून ताईसाहेबांचे म्हणणे लाखो लोकांपर्यंत पोहोचले हीच विरोधकांची खरी पोटदुखी आहे. मेळावा रोखण्यास आलेल्या अपयशामुळे हा गुन्हा दाखल करण्यात आला आहे असे खा.डॉ.प्रितम मुंडे यांनी म्हटले आहे.

दरम्यान, ‘अतिवृष्टी पाहणी केली, शेतकऱ्यांचे अश्रू पुसले, अनेक नेते दौऱ्यात अनेक जिल्ह्यात होते. परवानगी घेऊन दसऱ्याला भगवान बाबांच्या दर्शनासाठी गेले असता गुन्हा दाखल झाल्याची बातमी पहिली. कार्यकर्त्यांच्या नंतर हे गुन्हे दाखल करण्याचं सत्र माझ्यापर्यंत आलं तर..’ अशी प्रतिक्रिया पंकजा मुंडे यांनी ट्विटरवरुन दिली आहे.

महत्वाच्या बातम्या 

• दसरा मेळाव्याप्रकरणी गुन्हा दाखल झाल्यावर पंकजा मुंडे यांची पहिली प्रतिक्रिया
• अजित पवारांनंतर राष्ट्रवादीचा ‘हा’ बडा नेता अडकला कोरोनाच्या विळख्यात
• एलआयसीची प्रारंभिक भाग विक्री पुढील आर्थिक वर्षात
• ‘माझी प्रकृती उत्तम आहे,थोड्याशा विश्रांतीनंतर मी लवकरच आपल्यासोबत असेन’
• पुणेकरांसाठी खुशखबर ! १ नोव्हेंबरपासून खुली होणार शहरातील उद्याने !