तयारी तिसऱ्या लाटेची! औषधी खरेदीसाठी पालिकेची दोन कोटींच्या निधीची मागणी

औरंगाबाद : कोरोना संसर्गाच्या तिसऱ्या लाटेच्या पार्श्वभूमीवर महापालिकेने मोठ्या प्रमाणावर तयारी सुरू केली आहे. त्यानुसार आता यंत्रसामग्री व औषधी खरेदीसाठी मनपाला दोन कोटी रुपयांचा निधी मिळावा अशी मागणी जिल्हाधिकार्‍यांकडे करण्यात आली आहे. हा निधी जिल्हा आपत्ती व्यवस्थापनाकडून उपलब्ध करून द्यावा, यासाठी पालिकेने जिल्हाधिकार्‍यांकडे प्रस्ताव सादर केला आहे.

या निधीतून व्हिटीएम किट, रॅपीड अ‍ॅण्टिजेन किट, आरटीपीसीआर किट, बालकांसाठी बालकांसाठी लागणारे औषधी, विविध प्रकारच्या गोळया, व्हेंटिलेटर, बायपॅक मशिन, लहान व्हेटिलेटर, यंत्रसामुग्री आदींचा सामुग्री या दोन कोटींतून खरेदीचे नियोजन आहे. हा निधी जिल्हा आपत्ती व्यवस्थापन समितीकडून उपलब्ध करुन द्यावा, याकरिता पालिकेने जिल्हाधिकार्‍यांकडे प्रस्ताव सादर केला असल्याचे आरोग्य वैद्यकीय अधिकारी डॉ. नीता पाडळकर यांनी सांगितले.

आगामी दोन महिन्यांनी कोरोनाची तिसरी लाट येण्याची शक्यता आहे. या लाटेत बालकांना सर्वाधिक धोका असल्याचे तज्ज्ञांनी सांगितले आहे. त्यामुळे राज्य सरकारने कोरोनाची तिसरी लाट रोखण्यासाठी तयारी करण्याचे आदेश प्रशासनाला दिले आहेत. त्यानुसार औरंगाबाद पालिकेने तिसर्‍या लाटेत बालकांना धोका असल्याचे लक्षात घेऊन गरवारे कंपनीत बाल कोविड रुग्णालय उभारण्याची तयारी सुरू केली आहे. तसेच एमजीएममध्ये देखील बाल कोविड रुग्णालय उभारले जात आहे. मेल्ट्रॉनमध्ये ५० खाटांची बालकांसाठी व्यवस्था देखील आहे.

महत्त्वाच्या बातम्या

• खा. संभाजीराजे भोसले यांची वेरूळ भेट, विकासकामांबाबत अधिकाऱ्यांना केल्या विशेष सूचना!
• ‘भास्कर टपोऱ्या सारखा कोणाचीही कळ काढतो म्हणून शिव्या दिल्या असतील, सवय आहे त्याला’
• ‘अध्यक्षांच्या चेंबरमध्ये शिवीगाळ कोणी केली हे जाणून घेण्यासाठी भास्कर जाधव यांची नार्को टेस्ट करा’
• उत्पादन खर्च शून्य म्हणूनच ‘झिरो बजेट’ शेती आधुनिक तंत्र!
• ‘१२ आमदारांचे निलंबन म्हणजे नियोजन पद्धतीने लोकशाहीचा गळा घोटण्याचे काम’