“आँधी जब आती है तब क्या-क्या लेके जाती है, हे त्याला माहित नाही”; प्रसाद लाड यांची संजय राऊतांवर टीका

मुंबई : शिवसेना खासदार संजय राऊत(Sanjay Raut) हे आज (मंगळवार) दुपारी चार वाजता शिवसेना भवनात पत्रकारपरिषद घेणार आहेत. या पत्रकार परिषदेमुळे महाराष्ट्रात राजकीय वादळ येणार असल्याची शक्यता वर्तविण्यात येत आहे. गेले काही दिवस भाजपचे किरीट सोमय्या शिवसेना नेत्यांवर गंभीर आरोप करत आहेत. यामध्ये मुख्यमंत्री उद्धव ठाकरे, आदित्य ठाकरे यांचा देखील समावेश आहे. दरम्यान या सर्व आरोपांना संजय राऊत आज उत्तर देणार आहेत.  या पार्श्वभूमीवर भाजप आमदार प्रसाद लाड(Prasad Lad) यांनी संजय राऊत यांच्यावर खोचक टीका केली आहे.

यासंदर्भात प्रसार माध्यमांशी संवाद साधत असतांना प्रसाद लाड म्हणाले की,संजय राऊत भरकटलेले असून त्यांना मी काल ‘गेट वेल सुन’चा मेसेज पाठवला. आज पत्रकार परिषद झाल्यावर त्यांना मी पुष्पगुच्छ पाठवणार आहे. तसेच संजय राऊत यांना शिवसेनेमधून पाठींबा नाही, असेही लाड म्हणाले. पुढे ते म्हणाले की,‘जबरदस्तीने शिवसेना नेत्यांना एकत्रित करून पत्रकार परिषद घेण्याचा संजय राऊत जो कांगावा करताय हा जनतेला देखील कळतोय. भाजप अश्या धमक्यांना घाबरत नाही.’ तसेच पुढे संजय राऊतांच्या ट्विटवर प्रत्युत्तर देत लाड म्हणाले की,आँधी से मत लढ़ना औकात मै रहना, आँधी जब आती है तब क्या-क्या लेके जाती है, हे त्याला माहित नाही. मी त्यांना विनंती करतो की जर तुम्ही आम्हाला आँधी म्हणत असाल तर आमच्यापासून घाबरून रहा, असे लाड म्हणाले.

तद्पश्चात संजय राऊतांनी काल साडेतीन लोकांचा खुलासा करणार असल्याचे सांगितले. याविषयी विचारण्यात आले असता संजय राऊत एक चांगले संपादक असून त्यांनी संपादकीय भाषेतून हा शब्द काढला असेल. तसेच ते चित्रपट निर्माते देखील आहेत त्यांचा पुढचा कोणता तरी चित्रपट असेल साडेतीन नावाचा. आम्हाला देखील त्याची उत्सुकता आहे, असा खोचक टोला प्रसाद लाड यांनी यावेळी लगावला.

शाख़ों से टूट जाएँ वो पत्ते नहीं हैं हम
आँधी से कोई कह दे कि औक़ात में रहे

– राहत इंदौरी pic.twitter.com/bD1c1qGMLb

— Sanjay Raut (@rautsanjay61) February 15, 2022

दरम्यान, ‘शाख़ों से टूट जाएँ वो पत्ते नहीं हैं हम, आँधी से कोई कह दे कि औक़ात में रहे’, असे म्हणत राऊत यांनी विरोधकांना इशारा दिला होता.

महत्वाच्या बातम्या : 

• संजय राऊतांनी टाईमपास करणे बंद करावं, शिवसेनेच्या पत्रकार परिषदेवर किरीट सोमय्यांची प्रतिक्रिया
• Shiv Sena Press conference : ‘झुकेंगे नही’ पत्रकार परिषदेपूर्वीच सेनेची बॅनरबाजी
• “… तर किरीट सोमय्यांच्या डोक्याचा, मेंदूचा चिवडाच झाला असता”
• मुंबईत राजधानी एक्सप्रेसची दुचाकीला धडक; काळ आला होता पण वेळ आली नव्हती
• ७५ वर्षीय आजोबांचा घोडीवर बसून सुसाट स्टंट ; तरुणाईला लाजवेल असा उत्साह