सत्तेचा माज : सत्ताधारी पक्षाच्या नेत्याने केली ‘लाइव्ह शो’मध्ये पत्रकाराला बेदम मारहाण

🕒 1 min read

टीम महाराष्ट्र देशा- : पाकिस्तानात एका न्यूज चॅनेलवर लाइव्ह शो दरम्यान सत्ताधारी पीटीआय पक्षाच्या एका नेत्याने पत्रकाराला बेदम मारहाण केल्याची धक्कादायक घटना घडली आहे. लाइव्ह शो दरम्यान झालेल्या या हाणामारीचा व्हिडिओ सोशल मीडियावर व्हायरल झाला असून सत्ताधारी पक्षाच्या नेत्याने केलेल्या या प्रकारावर पाकिस्तानमधून संताप व्यक्त केला जात आहे.

पाकिस्तानच्या ‘के २१ न्यूज’ या वृत्तवाहिनीवर ‘न्यूज लाइन विथ अफताब मुघेरी’ हा शो सुरू होता. या पॅनल चर्चेत पीटीआय पक्षाचे नेते मसरूर अली सियाल आणि कराची प्रेस क्लबचे प्रमुख इम्तियाज खान सहभागी झाले होते. यावेळी चर्चचे रुपांतर वादात झाले आणि यानंतर तुंबळ हाणामारी झाली. लाइव्ह शोमध्येच ही हाणामारी झाल्याने या हाणामारीवर पाकिस्तानमधून तीव्र संताप व्यक्त केला जात आहे.