सकारात्मक! लातुरात कोरोना रुग्ण संख्या होतीये कमी

लातूर: जिल्ह्यात कोरोना बाधितांची संख्या काही प्रमाणात कमी होत असल्याचे गेल्या काही दिवसांपासून दिसत आहे, मात्र अशातच आता म्युकरमायकोसिस या नवीन आजाराने चांगलेच डोके वर काढले आहे. एकीकडे कोरोना आणि दुसरी कडे म्युकरमायकोसिस, यात होरपळून निघतोय सामान्य माणूस. जिल्ह्यात कोरोना रुग्णांची संख्या व त्यातून बरे होऊन घरी जाणाऱ्यांची संख्या वाढत आहे. त्यामुळे काही प्रमाणात दिलासा मिळत आहे.

लातूर जिल्ह्यात गुरूवार १९३ कोरोना पॉझिटिव्ह रूग्ण निष्पन्न झाले. कोरोना विषाणूची लागण झालेले २२ रूग्ण दगावले. कोरोना पॉझिटिव्ह रूग्णांचा आकडा खाली येत असून, ही दिलासा देणारी बाब असली तरी मृत्यूचा आकडा आणखी खाली येण्याची गरज आहे. आरटीपीसीआर टेस्टमध्ये १०५ तर रॅपिड अँटिजेन टेस्टमध्ये ८८ असे मिळून १९३ कोरोना पॉझिटिव्ह रूग्ण सापडले.

गुरूवारी आरटीपीसीआर एकूण टेस्ट ११२३ तर रॅपिड अँटिजेन टेस्ट १९२४ झाल्या. एवढ्या टेस्टमधून १९३ रूग्ण पॉझिटिव्ह आढळले असून, लातूर जिल्ह्यात आतापर्यंत ८८ हजार ३१६ कोरोना पॉझिटिव्ह रूग्ण सापडले असले तरी यातील उपचाराने ८३ हजार १६६ रूग्ण बरे झाले आहेत. सध्या होम आयसोलेशनमध्ये १८९५ रूग्ण असून, प्रत्यक्ष रूग्णालयात १२०१ रूग्ण उपचार घेत आहेत. आज ४९३ रूग्ण दुरूस्त होऊन घरी गेले आहेत. आज २२ कोरोना बाधित रूग्णांचा मृत्यू झाला असून, जिल्ह्यात आजवर २०५४ रूग्ण मृत्यू पावले आहेत.

महत्वाच्या बातम्या

• राज्यातील लॉकडाऊन १५ दिवसांनी वाढणार; राजेश टोपेंचे सूतोवाच !
• तुळजापुरात नियमांचे उल्लंघन; ३२ दुकानांना बजावल्या नोटीस
• ‘नुकसानीचे प्रमाण पाहता राज्य सरकारने जाहीर केलेली मदत कोकणवासियांची क्रूर थट्टा करणारी आहे’
• ‘देशाला वाचवायचे असेल तर नोटा छापण्याची हीच ती वेळ !’
• ‘कोरोना काळात अपयशी ठरलेल्या मोदींना माफी मागण्यासाठी सावरकर जयंतीसारखा उत्तम मुहूर्त नाही’