औरंगाबाद : मराठा समाजाच्या आरक्षणासाठी साष्टपिंपळगाव व कोल्हापूर येथे आंदोलन सुरू आहे. या आंदोलनाला पाठिंबा देण्यासाठी सोमवारी साष्टपिंपळगाव ते औरंगाबाद दरम्यान वाहन मशाल फेरी काढण्यात आली. या रॅलीचा समारोप क्रांतीचौकात झाला. यानंतर आंदोलकानी ठिय्या देण्यास सुरुवात करताच पोलिसांनी त्यांना ताब्यात घेतले.
मराठा आरक्षणावरील स्थगिती उठविण्यासाठी प्रयत्न करावे, मराठा समाजाच्या अन्य प्रलंबित प्रश्न सोडवावे, या मागणीसाठी शासनाचे लक्ष वेधण्यासाठी मशाल फेरीचे आयोजन करण्यात आले होते. साष्टपिंपळगाव येथून चार वाहनांमधून मशाल घेऊन आलेल्या २० आंदोलकांनी क्रांतीचौकात रॅलीचा समारोप केला. त्याचबरोबर ठिय्या देण्यास सुरुवात केली.
पोलीस निरीक्षक जी. एच. दराडे यांनी ठिय्या आंदोलनाला परवानगी नसल्याने आंदोलन करू नका, असे सांगितले. मात्र त्यांचे न ऐकता घोषणा सुरूच ठेवल्याने पोलिसांनी त्यांना ताब्यात घेतले आणि क्रांतिचौक ठाण्यात नेले. दरम्यान, मशाल रॅली येणार असल्याने कायदा व सुव्यवस्थेचा प्रश्न निर्माण होऊ नये याकरिता क्रांतीचौकात पोलिसांनी मोठा बंदोबस्त ठेवला होता.
महत्वाच्या बातम्या
- अर्थसंकल्पातुन महाराष्ट्र आणि मुंबईला काय मिळालं हे शोधावं लागेल – आदित्य ठाकरे
- भारताच्या मागील १०० वर्षांत असं बजेट सादर झालेलं नाही, धन्यवाद सीतारामनजी – अमृता फडणवीस
- …म्हणून संपूर्ण महाराष्ट्राचं अभिनंदन करण्याची हिंमत फडणवीसांचीही झाली नाही – अजित पवार
- ‘हा अर्थसंकल्प नसून आगामी काळात 5 राज्यात येऊ घातलेल्या निवडणूकींचा जाहिरनामा आहे’
- #Budget2021 : ‘खिशात नाही आणा अन् बाजीराव म्हणा’ संजय राऊतांचा सरकारला टोला
