चंदीगड: पंतप्रधान नरेंद्र मोदींच्या (PM Narendra Modi) पंजाब दौऱ्यावेळी त्यांचा ताफा निदर्शकांनी तब्बल १५ ते २० मिनीटे अडवल्यानंतर सुरक्षेच्या कारणास्तव पंतप्रधांनांना आपला दौरा रद्द करावा लागला. त्यामुळे आता यावरून भाजपने कॉंग्रेसवर टीका करायला सुरुवात केली आहे. मात्र आता भाजपच्या टीकेला कॉंग्रेसने देखील प्रत्युत्तर देण्यास सुरुवात केली आहे.
पंजाबमध्ये झालेल्या या घटनेमुळे आता भाजपचे राष्ट्रीय अध्यक्ष जेपी नड्डा (J P Nadda) यांनी पंजाब सरकारला यावरुन जाब विचारल्यानंतर त्याला काँग्रेसने उत्तर दिलं आहे. पंतप्रधानांचा दौरा रद्द करण्यामागे निदर्शकांचे कारण नसून मोदींच्या सभेतील मोकळ्या खुर्च्या आहेत असा टोला काँग्रेसचे प्रवक्ते रणदीप सुरजेवाला (Randeep Surjewal) यांनी लगावला आहे.
प्रिय नड्डा जी,
रैली रद्द होने का कारण ख़ाली कुर्सियाँ रहीं।
यक़ीन न हो तो, देख लीजिए ????और हाँ, बेतुकी बयानबाज़ी नहीं,
किसान विरोधी मानसिकता का सच स्वीकार कीजिए और आत्म मंथन कीजिए ।पंजाब के लोगों ने रैली से दूरी बनाकर अहंकारी सत्ता को आईना दिखा दिया है। pic.twitter.com/jhgrsqOv1t
— Randeep Singh Surjewala (@rssurjewala) January 5, 2022
कॉंग्रेस प्रवक्ते प्रवक्ते रणदीप सुरजेवाला म्हणाले की, या दौऱ्यासाठी सर्व व्यवस्था काटेकोरपणे करण्यात आली होती. पण पंतप्रधानांनी त्यांच्या दौऱ्यातील मार्गामध्ये बदल केला. पंतप्रधानांचा ताफा अडवला ते निदर्शक किसान मजदूर संघर्ष कमिटीचे होते. शेवटी पंतप्रधानांची ही रॅली रद्द करण्यामागे हे निदर्शकांचं कारण नव्हते तर त्यांच्या सभेसाठी गर्दी न जमणे, खुर्च्या रिकाम्या असणे हे आहे, असा आरोप काँग्रेसचे प्रवक्ते रणदीप सुरजेवाला यांनी केला आहे. तसेच पंजाबने भाजपच्या अहंकारला आरसा दाखवला असल्याची खोचक टीका त्यांनी केली आहे.
महत्वाच्या बातम्या:
- ‘गद्दारी करणाऱ्या काँग्रेस सरकारचा खरा चेहरा समोर आला’; प्रविण दरेकरांची टीका
- मनसेच्या नवनियुक्त जिल्हाध्यक्षांचे पहिले आंदोलन; मात्र माजी जिल्हाध्यक्ष सुहास दाशरथे गायब?
- सिद्धार्थच्या निधनानंतर पहिल्यांदाच शहनाज म्हणाली, “त्याचे रूप बदलले आहे, मात्र…”
- मुंबईकरांना करात माफी; मग औरंगाबादकरांवर अन्याय का? मनसेचे घंटानाद आंदोलन..!
- “मला रात्री झोप येत नाही, मला चिंता आहे की…”; देवेंद्र फडणवीसांचा ठाकरे सरकारवर हल्लाबोल
