अहमदाबाद : देशात पेट्रोल आणि डिझेलचे दर गगनाला भिडले आहेत. पेट्रोलने शंभरी पार केली असली तरी कंपन्यांकडून दरवाढीचा सपाटा सुरुच आहे. आज पुन्हा एकदा पेट्रोल आणि डिझेल दरात वाढ करण्यात आली आहे.आज पेट्रोल दरात २७ पैसे तर डिझेलमध्ये २३ पैसे वाढ करण्यात आली असून एक लिटर पेट्रोलचा भाव पहिल्यांदाच १०० रुपयांवर गेला होता.
पेट्रोलियम कंपन्या दररोज दर वाढवत आहेत. वाढत्या दराच्या परिणामामुळे जनता त्रस्त आहे. दरम्यान, डिझेल आणि पेट्रोलचे दर अद्याप कमी करता येणार नाहीत, असे केंद्रीय पेट्रोलियम मंत्री धर्मेंद्र प्रधान यांनी स्पष्ट केले, ते गुजरात दौऱ्यावर होते.
पेट्रोल-डिझेलचे दर कमी होतील का? असा प्रश्न धर्मेंद्र प्रधान यांना केला असता. ते म्हणाले, “सरकारचे उत्पन्न बरेच कमी झाले आहे. आर्थिक वर्ष २०२०-२१ दरम्यान उत्पन्न कमी राहिले आणि २०२१-२२ मध्येही कमी राहण्याची शक्यता आहे. सरकारचे उत्पन्न कमी आहे आणि खर्च जास्त आहे. त्यामुळे तेलाचे दर आता कमी करता येणार नाहीत”
आरोग्य क्षेत्रातील खर्च वाढला आहे. कल्याणकारी कामांमध्येही सरकार खर्च करीत आहे. वाढलेला खर्च आणि घटलेले उत्पन्न पाहता पेट्रोल-डिझेलचे दर कमी करण्याची ही योग्य वेळ नाही. असेही धर्मेंद्र प्रधान म्हणाले, तसेच यात आणखी मोठ्या प्रमाणात वाढ होण्याचे संकेतही त्यांनी दिले.
महत्वाच्या बातम्या
- गरिब कल्याण योजनेला मुदतवाढ, दिवाळीपर्यंत ८० कोटी नागरिकांना मोफत अन्नधान्य
- नागपूर-मुंबई महामार्ग कामात शेतकऱ्यांचा खोडा, दिड किलोमीटरच्या कामात ‘सतराशे विघ्न’
- अनलॉक होताच नागरिकांना नियमांचा विसर! जागोजागाी ट्राफिक जॅम
- ‘महाविकास आघाडी सरकारच्या गलथान कारभारामुळे महाराष्ट्रातील कोरोना मृत्यूंची संख्या लाखापार’
- मोठी बातमी! २१ जूनपासून १८ वर्षावरील सर्वांना मोफत लस देणार, मोदींची घोषणा
