पिंपरी : येत्या काहीच दिवसात महाराष्ट्र राज्यातील १० महानगरपालिकांच्या निवडणुकीचा कार्यक्रम जाहीर होणार आहे. ज्या ज्या महानगरपालिकेत निवडणुका होणार आहेत त्या त्या शहरात राजकीय वादंगाने वेग पकडला आहे.
सध्या पिंपरी – चिंचवड महापालिकेत पण सत्ताधारी भाजप आणि प्रमुख विरोधी पक्ष असलेला राष्ट्रवादी या दोघांच्यात आरोप प्रत्यारोपांची मालिका सुरु झाली आहे. त्यातच आज पिंपरी- चिंचवड शहर राष्ट्रवादी काँग्रेस पक्षाने पिंपरी- चिंचवड मनपा भावनावर भव्य मोर्चा काढत सत्ताधारी भाजप विरोधात जोरदार घोषणाबाजी केली. राष्ट्रवादी काँग्रेसचा विजय असो, भ्रष्टाचारी सत्ताधारी भाजप चले जाव, अश्या प्रकारच्या घोषणा देण्यात आल्या. पिंपरी चिंचवड महापालिकेतील भाजपच्या भ्रष्ट कारभाराविरोधात राष्ट्रवादी काँग्रेसने ‘चले जाव भाजप’ हे आंदोलन आज केले.
राष्ट्रवादी काँग्रेसच्या या आंदोलनात हजारो कार्यकर्ते जमा झाले होते. शहरातील अनेक बड्या राष्ट्रवादीच्या नेत्यांनी सत्ताधारी भाजपला आम्ही सत्तेतून खाली खेचू असा आत्मविश्वास दाखवला आहे. चिंचवड स्टेशन येथून मोर्चाला सुरुवात झाली. महापालिकेसमोर मोर्चाचे सभेत रूपांतर झाले. यावेळी राष्ट्रवादी काँग्रेसचा विजय असो, भ्रष्टाचारी सत्ताधारी चले जाव, आदी घोषणा देण्यात आल्या. राष्ट्रवादीच्या या मोर्च्यामुळे शहरातले राजकीय वातावरण चांगलेच तापले आहे.
महत्वाच्या बातम्या :
- पुरवठा विभागाच्या आदेशाला डावलून पुन्हा सुरू झाले अवैध बायोडिझेल पंप
- शिवसेना खासदार प्रियांका चतुर्वेदी यांचा चरणजित सिंग चन्नी यांच्यावर निशाणा म्हणाल्या…
- …जेव्हा रेल्वेमंत्र्यांनी केला लोकलने प्रवास
- आपलाच मुलगा उमेदवार आहे, हेच विसरले मुलायम सिंह यादव
- “मुख्यमंत्री ठाकरेंनी खुर्ची वाचवण्यासाठी पत्नीशी गद्दारी केली?”, सोमय्यांचा सवाल
बातम्यांसाठी YouTube चॅनेल Subscribe करा
Subscribe Now
