भाजप आणि माझं नातं वयाच्या नवव्या महिन्यापासून – पंकजा मुंडे

🕒 1 min read

बीड: स्वत:ची भाजपशी असलेली भावनिक जोड सांगत भाजपच्या राष्ट्रीय सचिव आणि गोपीनाथ मुंडेंच्या (Gopinath Munde) ज्येष्ठ कन्या पंकजा मुंडे (Pankaja Munde) यांनी जुन्या आठवणींना उजाळा दिला. पंकजा मुंडे बीडमध्ये आयोजित एका कार्यक्रमात बोलत होत्या. यावेळी त्या म्हणाल्या की, मी नऊ महिन्याची होते, तेव्हा पासून माझी आई मला साहेबांच्या प्रचार सभेत कडेवर घेऊन जायची, तेव्हा पासूनच मी भाजपचा प्रचार करत आहे, असं त्या यावेळी म्हणाल्या.

पुढे बोलताना पंकजा मुंडे म्हणाल्या, अशा प्रचार सभेला मी कडेवर असताना आई सर्वांना सांगायची की, मुंडे साहेबांच चिन्ह कमळ आणि ही माझी मुलगी पंकजा, तेव्हा पासून मी भाजपचा प्रचार करत आहे, हे सांगतानाच त्यांना हे नाव कसं पडलं याचा देखील त्यांनी एक किस्सा सांगितला. पंकजा यांचे नाव त्यांचे मामा म्हणजेच प्रमोद महाजन (Pramod Mahajan) यांनी ठरवले होते. मुलगा झाला तर पंकज आणि मुलगी झाली तर पंकजा. त्याचे कारणही विशेष असेच होते, भारतीय जनता पक्षाला कमळ हे निवडणूक चिन्ह मिळाले होते.

बीड मध्ये वरद ग्रुपच्या वतीने लोकनेते गोपीनाथराव मुंडे नगर उभे केले आहे. याचा लोकार्पण सोहळा भाजप नेत्या पंकजा मुंडे यांच्या हस्ते करण्यात आला. यावेळी त्या बोलत होत्या. बीडमध्ये नुकत्याच झालेल्या पंचायत निवडणुकीत भाजपला मिळालेल्या यशाचे श्रेय देखील पंकजा मुंडे यांना दिले जात आहे. जसे गोपीनाथ मुंडे यांच्यावर बीडच्या जनतेने प्रेम केले तसेच प्रेम पंकजा मुंडे यांना देखील मिळेल का याकडे सर्वांचे लक्ष आहे.

महत्वाच्या बातम्या:

• ऍश बार्टी ठरली ऑस्ट्रेलियन ओपन एकेरीचे विजेतेपद जिंकणारी पहिली ऑस्ट्रेलियन महिला

• “ठाकरे सरकारने पोलीस बळाचा चुकीचा वापर करत राष्ट्रीय पातळीवर महाराष्ट्र पोलिसांची बदनामी केली”

• अन्य राज्यात काही असो परंतु महाराष्ट्राची संस्कृती अशी नाही- रावसाहेब दानवे

• “….बाबत चंद्रकांत पाटलांनी इतकं हळवं होण्याची गरज नाही”, हसन मुश्रीफांचा खोचक टोला

• अजित पवारांच्या वक्तव्यावर रावसाहेब दानवेंची टीका; म्हणाले,‘महिलाही पिल्या तरी…’