उस्मानाबाद : वस्तू व सेवा कर अर्थात जीएसटी विरोधात उस्मानाबादमधील व्यापारी आक्रमक झाले आहेत. जीएसटी पोर्टलमध्ये गतिमानता आणून सुसूत्रता आणावी, रिटर्नची संख्या कमी करावी, तसेच दंड रद्द करण्यात यावा आदी मागण्या या व्यापाऱ्यांनी केल्या आहेत. त्यासाठी उस्मानाबादमधील जीएसटी कार्यालयासमोर घोषणाबाजी करत व्यापाऱ्यांनी आंदोलन केले. या मागण्यांसदर्भातील निवेदन जीएसटी अधिकारी भगवंत चेचे यांना देण्यात आलं.
जीएसटी भरतांना व्यापाऱ्यांना अनेक अडचणी येत आहेत. त्यामुळं व्यापारात सुलभता आणण्याचा मुळ उद्देश पूर्ण होत नसल्याचं या वेळी व्यापाऱ्यांनी सांगितलं. व्यापाऱ्यांनाच नाही तर सीए देखील या पोर्टलमुळे त्रस्त आहेत. त्यातच जीएसटी भरण्यास उशीर झाला तर त्यावरही दंड भरावा लागतो. त्यामुळं हा दंड रद्द करावा आणि जीएसटी पोर्टलमध्ये गतिमानता आणावी अशी मागणी या वेळी व्यापाऱ्यांनी केली आहे.
या संदर्भातले निवेदन जिल्हाधिकारी कौस्तुभ दिवेगावकर यांनाही देण्यात आलय. त्यासाठी कर सल्लागार आणि व्यापाऱ्यांनी शहरातील मुख्य रस्त्याने रॅली काढली. यावेळी सीए. बी.बी. ताम्हाणे, राधेश्याम तापडीया, दीपक भातभोगे, गोरोबा घोडके आदींची प्रमुख उपस्थिती होती.
महत्वाच्या बातम्या
- ८७ वर्षांच्या इतिहासात पहिल्यांदाच रद्द करण्यात आली रणजी ट्रॉफी स्पर्धा
- कोवीड योध्यांना बसविले जमिनीवर; जिल्हा रुग्णालयाचा ढिसाळ कारभार
- खासदारांचा १०० कोटींच्या घोटाळ्याचा दावा, वक्फ बोर्ड जमिन प्रकरण
- तोंड दाबून बुक्याचा मार फक्त ग्रामीण भागानेच खायचा का? ग्रामस्थांचा सवाल !
- पिस्तूल दाखवून ओव्हरटेक करणाऱ्या कथित शिवसैनिकांचा व्हिडीओ व्हायरल
