मुंबई : देशात आता अनलॉक-४ लागू करण्यात आला आहे. मात्र वाढती रुग्णसंख्या चिंतेची बाब बनली आहे. ऑगस्ट महिन्यात राज्य परिवहन महामंडळाची सार्वजनिक वाहतूक सुरु करण्यात आली होती. सुरुवातीला सोशल डिस्टनसिंग तसेच आवश्यक खबरदारी घेऊन एसटी वाहतूक ही ५० टक्के प्रवाशांना घेऊनच केली जात होती.
यानंतर, राज्य परिवहन मंडळाळासाठी राज्य शासनाने महत्वाचा निर्णय घेतला होता. त्यानुसार एसटी वाहतूक आज (दि.१८ सप्टेंबर) पासून पूर्ण क्षमतेने करण्यात येणार आहे. त्यामुळे एका बाजूला देशासह राज्यात उच्चांकी नव्या रुग्णांची नोंद होत असताना ही जोखीम कशाला? असा प्रश्न आता निर्माण होत आहे. दरम्यान, प्रवासामध्ये प्रत्येकाला मास्क घालणे व सॅनिटायझर बाळगणे आवश्यक आहे. मास्क व सॅनिटायझर असल्यासच बस मध्ये प्रवेश दिला जाणार आहे.
तर आता एसटी पूर्ण क्षमतेने धावण्यास विरोध वाढत आहे. एसटी पूर्ण क्षमतेने भरल्यास कोरोना संसर्गाचा धोका अधिक संभवतो त्यामुळे चालक, वाहकांसह प्रवाशांचा जीव देखील धोक्यात येत आहे. त्यामुळे एसटीने प्रवास करण्यास प्रवाशी देखील घाबरत असून उत्पन्नवाढीसाठी घेण्यात आलेला निर्णय धोकादायक असल्याचे एसटी कामगार संघटनांसह प्रवासी संघटनांनी सांगितले आहे. त्यामुळे ५० टक्के प्रवासी क्षमतेनेच वाहतूक करण्यात यावी अशी मागणी देखील केली जात आहे.
महत्वाच्या बातम्या :
- खासदार सुनील मेंढे यांनी संसदेत मांडला भंडाऱ्याच्या पूरस्थितीचा लेखाजोखा
- संभाजीराजेंच्या इशाऱ्यानंतर देखील कोल्हापुरात मराठा आंदोलकांना नोटिस!
- नगर-मनमाड महामार्ग दुरावस्थेच्या निषेधार्थ तरुणांनी केले मुंडण आंदोलन
- ‘विरोधकांनी किसानद्रोही असल्याचं सिद्ध केलंय’ ; भाजपच्या अवधूत वाघांचा टोला
- ‘सरकारला शेतकऱ्याचं म्हणणं ऐकावं लागेल, माघार घ्यावी लागेल’; २५ सप्टेंबरला देशव्यापी आंदोलनाचा अजित नवलेंनी दिला इशारा
