औरंगाबाद : औरंगाबादच्या सिल्लोड विधानसभा मतदारसंघाचे काँग्रेसचे बंडखोर आमदार अब्दुल सत्तार यांना भाजपमध्ये घेण्यास विरोध होत आहे. भाजपच्या सिल्लोडमधील पदाधिकाऱ्यांनी आमदार अब्दुल सत्तार यांना पक्षात घेण्यास तीव्र विरोध दर्शवला आहे. अब्दुल सत्तार यांच्या भाजप प्रवेशाला विरोध करण्यासाठी सिल्लोड येथे भाजपा स्थानिक कार्यकर्त्यांची बैठक आयोजित करण्यात आली.
काँग्रेसचे आमदार अब्दुल सत्तार यांना भाजपमध्ये घेण्याबाबत भाजपचे स्थानिक पदाधिकारी आणि कार्यकर्त्यांचा विरोध आहे. भाजपचे सिल्लोड तालुकाध्यक्ष ज्ञानेश्वर मोटे आणि माजी आमदार सांडू पाटील लोखंडे यांच्याबरोबर अनेक पदाधिकाऱ्यांनी आमदार अब्दुल सत्तार यांना भाजपमध्ये घेण्यास तीव्र विरोध दर्शवला आहे.
गेल्या काही काळापासून अब्दुल सत्तार यांनी मुख्यमंत्री देवेंद्र फडणवीस यांच्यापासून गिरीश महाजन, रावसाहेब दानवे अशा राज्यातील भाजपच्या वरिष्ठ नेत्यांच्या भेटी घेतल्या आहेत. त्यामुळे अब्दुल सत्तार यांचा भाजपप्रवेश निश्चित मानला जातो. पण, भाजपकडूनच अब्दुल सत्तार यांच्या भाजपप्रवेशाला विरोध होताना दिसत आहे.
बातम्यांसाठी YouTube चॅनेल Subscribe करा
Subscribe Now
