आता सरनाईक कुटुंबाने तयार राहावं! : किरीट सोमय्या

मुंबई : ईडीने २५ नोव्हेंबर रोजी शिवसेनेचे आमदार प्रताप सरनाईक आणि त्यांचे सुपुत्र विहंग आणि पूर्वेश सरनाईक यांच्या घर आणि कार्यालयावर छापे मारले होते. यानंतर ईडीने विहंग सरनाईकची चौकशी करून त्यांना सोडले होते. यानंतर त्यांना पुन्हा चौकशीसाठी हजर राहण्याचे अनेक समन्स बजावण्यात आले. मात्र, तरीही ते चौकशीला हजर राहिलेले नाहीत.

विहंग चौथ्या समन्सनंतरही ईडी कार्यलयात हजर झाला नाही. यानंतर, आमदार प्रताप सरनाईक यांचा देखील क्वारंटाईन कालावधी संपल्यामुळे त्यांची देखील चौकशी केली जाणार आहे. तसे समन्स ईडीने प्रताप सरनाईकांना पाठवले होते. मात्र तब्बल तीन समन्स बजावून देखील अद्याप प्रताप सरनाईक चौकशीसाठी ईडीसमोर हजर राहिलेले नाहीत.

टॉप ग्रुपमधील आर्थिक गैरव्यवहार प्रकरणी सरनाईक यांचे जवळचे मित्र अमित चंडोले यांना याआधीच अटक करण्यात आली होती. आता अमित चांडोले यांना ईडीच्या ताब्यात देण्यात आलं आहे. यावरूनच भाजप नेते किरीट सोमय्या यांनी पुन्हा एकदा प्रताप सरनाईक यांच्यावर निशाणा साधला आहे. ‘प्रताप सरनाईक यांचा मित्र/पार्टनर अमित चांडोले ईडीच्या ताब्यात. आता सरनाईकांच्या कुटुंबाने तयार राहावं!’ असं ट्विट करत त्यांनी सरनाईकांवर निशाणा साधला आहे.

Pratap Sarnaik Friend/Partner's Amit Chandole Custody handed over to ED. Now Sarnaik Family will have to get Ready!!

— Kirit Somaiya (@KiritSomaiya) December 7, 2020

महत्वाच्या बातम्या 

• शरद पवार राहुल गांधींना समजून घेण्यात कमी पडले, थोरातांचा शरद पवारांना टोला
• आरारा…रा..रा..खतरनाक! मराठी हिट चित्रपट ‘मुळशी पॅटर्न’चा रिमेक तब्बल तीन दाक्षिणात्य भाषांत येणार
• ‘भारत बंद’ला पाठींबा देण्यासाठी महाराष्ट्रातील ‘या’ ५ मोठया बाजार समित्या राहणार बंद
• रिपब्लिक टीव्हीसह अर्णबला दिलासा देण्यास सुप्रीम कोर्टाचा नकार!
• शरद पवारांच्या ‘त्या’ पत्रावर अखेर राष्ट्रवादीने दिलं स्पष्टीकरण!