आता रशियन स्पुतनिक-व्ही लस पुण्याच्या सिरममध्ये होणार तयार !

पुणे : कोरोनावर मात करण्यासाठी देशातील अधिका-अधिक नागरिकांचे लसीकरण होणे गरजेचे आहे. राज्यात कोरोनाचा वाढता प्रादुर्भाव लक्षात घेता धास्तावलेली जनता लसीकरणाला चांगला प्रतिसाद देत आहे. मात्र, एकीकडे कोरोनाचा वाढता धोका तर दुसरीकडे लसींचा तुटवडा यामुळे नागरिकांना मनस्ताप सहन करावा लागत आहे. केंद्र सरकार विविध लसींना मान्यता देत आहे.

तर, सध्या उपलब्ध असलेल्या लसींपैकी सर्वाधिक परिणामकारी स्पुतनिक-व्ही या लसीबाबत अनेक नागरिक हे उत्सुक होते. रशियन बनावटीची ही लस डॉ. रेड्डीज लॅबोरेटरीजतर्फे देशभरात वितरित केले जात असून केवळ खाजगी रुग्णालयांमध्ये ही लस उपलब्ध आहे. या लसीसाठी मागणी देखील मोठी असून आता मोठा निर्णय घेण्यात आला आहे.

येत्या सप्टेंबरपासून सीरम इन्स्टिट्यूट रशियाची कोरोनावरील लस स्पुतनिक व्हीचे उत्पादन सुरू करणार आहे. यासाठी आवश्यक तंत्रज्ञानाची प्रक्रिया सुरू झाली आहे, असं सांगण्यात येत आहे. ड्रग कंट्रोलर जनरल ऑफ इंडियाने (DCGI) स्पुतनिक व्ही लसीच्या आपत्कालीन वापरास मंजुरी दिली आहे. यानंतर cultivation process सुरू झाली आहे. दोन्ही पक्ष मिळून म्हणजे RDIF (Russian Direct Investment Fund) आणि सीरम इन्स्टिट्यूट हे देशात तब्बल ३० कोटी स्पुतनिक लसीचे डोसचे उत्पादन करणार आहेत.

महत्वाच्या बातम्या 

• ‘तुमचे ऋण मी या जन्मी फेडू शकेल का?’; वाचा नारायण राणे यांचं खास पत्र
• ‘शिवसेनेलाच आता युतीची गरज असेल’; निलेश राणेंचा टोला
• पुणेकरांना दिलासा : कोरोनामुक्तांच्या आकड्यात वाढ ! आजही सक्रिय रुग्णांमध्ये झाली घट
• नाना पटोलेंसारख्या जबाबदार व्यक्तीने बेताल वक्तव्य करू नये; सुनिल शेळकेंनी सुनावलं
• आघाडीतील तणाव निवळण्यासाठी पवारांच्या दरबारात काँग्रेससोबत वाटाघाटी ?