नवी दिल्ली : देशाचे पंतप्रधान नरेंद्र मोदी यांनी आज देशवासियांना संबोधित केले. २१ जूनपासून १८ वर्षावरील सर्वांना कोरोना लस मोफत देणार असल्याची घोषणा पंतप्रधान नरेंद्र मोदी यांनी केली आहे. यावेळी त्यांनी लसीकरणाची संपूर्ण जबाबदारी केंद्र सरकार घेत असल्याचे सांगितले. त्याचबरोबर देशातील लहान बालकांसाठीही दोन लस तयार करण्यात येत असून त्यावर काम सुरू असल्याची महत्वाची माहिती पंतप्रधान नरेंद्र मोदी यांनी दिली.
पंतप्रधान नरेंद्र मोदी यांनी आज देशवासियांशी संवाद साधला. यावेळी त्यांनी लसीकरणाबाबतची मोठी घोषणा केली. यावेळी मोदींनी लहान मुलांच्या आरोग्यावर चिंता व्यक्त केली. लहान मुलांनाही लस मिळाली पाहिजे. त्यासाठी दोन लसींवर काम सुरू आहे. त्यात लवकरच यश मिळेल, अशी आशाही मोदींनी व्यक्त केली. देशात 7 कंपन्या लसनिर्मिती करत आहेत. 3 आणखी लसींची ट्रायल सुरु आहे. लसीची उपलब्धता वाढवण्यासाठी अन्य कंपन्यांशी संपर्क सुरू आहे, असंही ते म्हणाले.
‘लहान मुलांना अनेक जीवघेण्या आजारांपासून वाचवण्यासाठी लसीकरणात काही नवी लशी आणल्या गेल्या. गरिबांच्या चिंतेपोटी हे केलं. लसीकरणाचं लक्ष्य 100 टक्के होत असतानाच कोरोनाने आपल्याला घेरलं. आता भारत एवढ्या मोठ्या लोकसंख्येला वाचवू शकेल का याचीच चर्चा जगात होती. पण नीती साफ असेल, नियंत्रण असे तर त्याचे परिणाम दिसतात,’ असंही त्यांनी यावेळी सांगितले आहे.
महत्त्वाच्या बातम्या
- रेल्वेकडे प्रवाशांची पाठ; अनलॉकमध्येही आजपासून ‘या’ रेल्वे रद्द!
- बारावीच्या प्रवेशासाठी महाविद्यालय प्रशासनासमोर पेच, आता प्रतिक्षा शासनाच्या मार्गदर्शक सूचनांची!
- परराज्यातून कारमध्ये गांजाची वाहतूक करणारे दोघे गुन्हेशाखेच्या जाळ्यात, ३७ किलो गांजासह १२ लाख ४६ हजारांचा मुद्देमाल जप्त
- ‘आधी तुम्ही पेट्रोल डिझेलवरील कर कमी करा, मग केंद्राकडे मागणी करा’
- ‘वेळीच अक्कल आली असती तर गोंधळ टाळता आला असता’; जयंत पाटलांचा मोदींवर हल्लाबोल
