ठाणे : महाराष्ट्रात कायद्याने मराठी भाषेत ठळक अक्षरात नामफलक लिहणे बंधनकारक आहे. मात्र, दुकाने, आस्थापने, धार्मिक स्थळांवर मराठीत फलक लिहिण्याचे टाळले जाते. याच पार्श्वभूमीवर नामफलक मराठी भाषेत न लिहिणाऱ्या मीरारोड येथील चार धार्मिक स्थळांना सार्वजनिक न्यास नोंदणी कार्यालयाच्या अधीक्षकांनी नोटीस बजावल्या आहेत. नोटीस मिळाल्यानंतर फलक मराठी भाषेत ठळक अक्षरात लावण्यात यावेत असे सांगण्यात आले आहे.
कायद्याने मराठी भाषेत ठळक अक्षरात नामफलक लिहणे बंधनकारक असताना सुद्धा अनेक आस्थापना, धार्मिक स्थळे, हॉटेल आदी ठिकाणी मराठी भाषेचा अनादर करून इतर भाषेत फलक लावतात. मराठी एकीकरणी समितीने सुद्धा मराठीत नामफलक असावेत यासाठी धर्मादाय आयुक्तांकडे तक्रार केली होती. तसेच मीरारोडच्या शांती नगर सेक्टर ४ मधील एक व सेक्टर ६ मधील दोन धार्मिक स्थळे तर साईबाबानगर मधील एका धार्मिक स्थळांच्या मराठीत नामफलक नसल्याबाबतची तक्रार निनाद सावंत या नागरिकाने केली होती.
त्याची दखल घेत ठाणे अधीक्षक यांनी संबधित मीरारोडमधील चारही धार्मिक स्थळांना नोटीस बजावल्या आहेत. नोटीस मिळाल्यानंतर धार्मिक स्थळांवरील नामफलक मराठी भाषेत ठळक अक्षरात लावण्यात यावेत. तसेच मराठी भाषेत नामफलक लावले असल्याचे लेखी स्वरुपात कळवावे असे निर्देशच धार्मिक स्थळांना देण्यात आले आहेत.
महत्त्वाच्या बातम्या
- ‘पश्चिम बंगालमध्ये प्रचाराला येऊ नका, अन्यथा..’ काँग्रेसचे शरद पवारांना पत्र
- ‘आपण छत्रपती शिवरायांच्या भूमीत राहतो की मोगलांच्या?’
- नवल! तलावातून चार क्विंटल माशांची चोरी
- डीएनए अहवालाच्या पुराव्यामुळे अत्याचारातील आरोपीला २० वर्षांची शिक्षा
- काँग्रेस नेते अशोक चव्हाण यांच्यासमोर अडचण, कोर्टाने बजावली नोटीस
