टीम महाराष्ट्र देशा : भाजप पक्षाच्या चिन्हावर आणि एबी फॉर्मवर खासदारकी मिळविलेल्या खा.नारायण राणे यांना भाजप पक्षावर आणि भाजप सत्तेवर असलेल्या केंद्र आणि राज्य सरकारच्या धोरणांवर टीका नुकतीच जाहीर टीका केली होती. मात्र आता भाजपने राणेंची मनधरणी केल्याचं स्पष्ट झालंय. भाजपने लोकसभा निवडणुकीची तयारी करण्यासाठी पक्षाच्या विविध समित्यांची घोषणा केली. त्यात भाजपचं संकल्प पत्र तयार करणाऱ्या समितीमध्ये नारायण राणे यांचंही नाव आहे.
भाजपचे संकल्प पत्र म्हणजे निवडणुकीसाठीचा जाहीरनामा असतो. त्यामुळे या समितीत ज्येष्ठ आणि जाणकार नेत्यांचा समावेश केला जातो. त्यामुळं या समितीत राणे यांना स्थान देऊन भाजपने त्यांच्या बद्दल आदर दाखविल्याचं बोललं जाते.
