🕒 1 min read
मुंबई : महाराष्ट्र सरकारने सरकारी कर्मचाऱ्यांसाठी नवे निर्देश दिले आहेत. यामुळे, सरकारी कर्मचाऱ्यांनी कसा पोशाख घालावा यावर बंधन येणार आहे. जीन्स, टी-शर्ट घालण्यास सरकारी अधिकारी-कर्मचाऱ्यांना बंदी घालण्यात आली आहे. जीन्स, टी-शर्ट घालण्यास सरकारी अधिकारी-कर्मचाऱ्यांना बंदी
तर, या निर्णयाचे मंत्रालय अधिकारी-कर्मचारी संघटनेने देखील स्वागत केलं आहे. दरम्यान, महिलांनी साडी, सलवार चुडीदार, पॅन्ट, ट्राउझर आवश्यकता असल्यास दुपट्टा घालावा. या पोशाखाचा नियमावली साठी खास मार्गदर्शक सूचना जारी करण्यात आल्या आहेत.
त्यानुसार, गडद रंगाचे चित्र विचित्र नक्षीकाम चित्र असलेले कपडे परिधान करण्याचे टाळावे. आठवड्यातील एक दिवस शुक्रवारी खादीचे कपडे परिधान करावे. जीन्स आणि टी शर्ट घालू नये, असं बजावण्यात आलं आहे. नुकतंच शिर्डीतील साई संस्थांनने भक्तांना पोषाखाबाबत केलेलं आवाहन वादासाठी कारणीभूत ठरलं असतानाच राज्य सरकारने देखील सरकारची प्रतिमा मलिन होऊ नये व कर्मचाऱ्यांना भान असावे यासाठी हे पाऊल उचलल्याचे बोललं जात आहे. साई मंदिरात प्रवेश करताना भारतीय पेहरावात यावे. तोकडे कपडे घालून येऊ नये, असे आवाहन साई संस्थानने केलं होतं. तसे फलक देखील मंदिर आवारात लावण्यात आले आहेत.
महत्वाच्या बातम्या
- राज्यातील ‘या’ जिल्ह्यांत पुढील ४८ तासांत मुसळधार पावसाचा अंदाज
- मराठी तरुणांना रोजगाराची संधी, ठाकरे सरकारच्या ‘या’ नव्या योजनेतून ‘असे’ मिळवा अनुदान !
- “कुणीही येतंय चड्डा, नड्डा, फड्डा, भड्डा”; ममता बॅनर्जींची भाजपावर तुफानी टीका
- ‘त्या’ खासदारांचा काय अभ्यास? भुजबळांचा उदयनराजेंना अप्रत्यक्ष टोला
- बीएसएनएलची अत्याधुनिक तंत्रज्ञानावर आधारित नवीन सेवा लवकरच ग्राहकांच्या भेटीला !
