मुंबई : दिग्गज खेळाडू आणि नेदरलँड्सचा कर्णधार पीटर सीलारने आंतरराष्ट्रीय क्रिकेटला अलविदा केला आहे. पाठीच्या दुखापतीने त्रस्त असलेल्या पीटर सीलरला आंतरराष्ट्रीय क्रिकेट सोडावे लागले. नेदरलँड्स आणि इंग्लंड (NED vs ENG) दरम्यान सुरू असलेल्या तीन सामन्यांच्या एकदिवसीय मालिकेत, कर्णधार पीटर सीलरने पहिल्या सामन्यात संघाचे नेतृत्व केले परंतु दुखापतीमुळे तो दुसरा एकदिवसीय सामना खेळू शकला नाही आणि सामना संपल्यानंतर त्याने आंतरराष्ट्रीय क्रिकेट सोडण्याचा निर्णय घेतला.
नेदरलँड्स क्रिकेट बोर्डाने (KNCB) जारी केलेल्या निवेदनात पीटर सीलर म्हणाला, ”वर्ष २०२० पासून माझ्या पाठदुखीत सातत्याने वाढ होत आहे. म्हणूनच मी माझ्या देशासाठी यापुढे क्रिकेट खेळू शकणार नाही, हे खेदाने सांगतो.” ३४ वर्षीय पीटर सीलरने २००६मध्ये श्रीलंकेविरुद्ध आंतरराष्ट्रीय क्रिकेटमध्ये पदार्पण केले होते. दोन वर्षांनंतर, त्याने केनियाविरुद्ध टी-२० आंतरराष्ट्रीय पदार्पण केले. २००९ आणि २०१४च्या टी-२० विश्वचषक स्पर्धेत नेदरलँड्सनेही इंग्लंडविरुद्ध दोन संस्मरणीय विजय मिळवले होते.
???? ANNOUNCEMENT
Captain Pieter Seelaar announces his retirement
from international cricket due to persistent back injury.More ➡️ https://t.co/tP9bffXDhc#ThankyouPieter ♥️ pic.twitter.com/pnSAHisAmx
— Cricket????Netherlands (@KNCBcricket) June 19, 2022
पीटर सीलरने ५७ एकदिवसीय आणि ७७ टी-२० आंतरराष्ट्रीय सामने खेळले आहेत. यादरम्यान, त्याने एकदिवसीय सामन्यांमध्ये ३४७ धावा आणि टी-२० मध्ये ५९१ धावा केल्या आहेत. त्याने गोलंदाजी करताना टी-२० आंतरराष्ट्रीय सामन्यांमध्ये ५८ आणि वनडेत ५७ विकेट्स घेतल्या आहेत. इंग्लंडविरुद्धच्या वनडे मालिकेतील पहिला सामना त्याच्या कारकिर्दीतील शेवटचा सामना ठरला. या सामन्यात इंग्लंडने विक्रमी ४९८ धावा केल्या. नेदरलँड्ससाठी पीटर सीलरने या सामन्यात सर्वाधिक २ बळी घेतले आणि २५ धावांचे योगदान दिले.
महत्त्वाच्या बातम्या –
बातम्यांसाठी YouTube चॅनेल Subscribe करा
Subscribe Now
