नवी-दिल्ली : मागील काही दिवसांपासून राज्यातील राजकीय घडामोडींना वेग आल्याचे चित्र बघायला मिळत आहे. याच पार्श्वभूमीवर भाजप प्रदेशाध्यक्ष चंद्रकांत पाटील(Chandrakant patil) हे मागील चार दिवसांपासून दिल्लीत असून काल(२६ नोव्हें.)त्यांनी गृहमंत्री अमित शहांची(Amit Shah) भेट घेतली. असे असतांनाच यावेळी विरोधी पक्षनेते देवेंद्र फडणवीस(Devendra Fadanvis) देखील राजधानीत दाखल झाले आणि त्यांनी अमित शहांच्या भेट घेतली. फडणवीस आणि चंद्रकांत पाटील यांची बंद दाराआड तीन तास चर्चाही झाली.
तसेच संसदेचे हिवाळी अधिवेशन असल्याने शिवसेना खासदार संजय राऊत(Sanjay Raut) दिल्लीत रवाना झाले आहेत. यादरम्यान, शरद पवारांनीही मुंबईतील नियोजित कार्यक्रम रद्द करून त्यांनी राजधानी गाठली आहे. त्यामुळे वर्तुळात चर्चांना उधाण आले आहे. राज्यातील नेत्यांनी एकाच वेळी दिल्लीची वाट धरल्यामुळे सगळीकडे चर्चा सुरू झाल्या आहेत. तसेच सध्या सोशल मीडियावर देवेंद्र फडणवीस आणि अमित शहांची भेट झाल्याचा फोटो व्हायरल होत असून यामध्ये शरद पवार देखील फडणवीसांच्या बाजूला बसल्याचे दिसत.
अधिवेशनाच्या तोंडावर सरकार पाडण्याच्या 'गजाल्या' सुरू झाल्यात. त्यासाठी 'असले' मॉफ़् केलेले बचकांडे हातखंडे. पण आता मॉफ़् ला माफी नाही.
फसव्या फोटोशॉप जल्पकांचा (ट्रोल्स) शोध घेणं अवघड नाही. @MahaCyber1 असले छुपे छद्मउद्योग करणाऱ्यांना शोधून काढावे ही विनंती.@maharashtra_hmo pic.twitter.com/wo4t3YdeXI— Nationalist Congress Party – Sharadchandra Pawar (@NCPspeaks) November 26, 2021
दरम्यान, या व्हायरल झालेल्या फोटोंवर आता राष्ट्रवादीच्या अधिकृत ट्विटर हँडलवरून उत्तर देण्यात आले आहे. अधिवेशनाच्या तोंडावर सरकार पाडण्याच्या ‘गजाल्या’ सुरू झाल्यात. त्यासाठी ‘असले’ मॉफ़् केलेले बचकांडे हातखंडे. पण आता मॉफ़् ला माफी नाही.फसव्या फोटोशॉप जल्पकांचा (ट्रोल्स) शोध घेणं अवघड नाही, असे पक्षाच्या अधिकृत ट्विटर अकाऊंटवरून सांगण्यात आले आहे.
महत्वाच्या बातम्या:
- मलिकांच्या घराभोवती संशयास्पद लोकांचा वावर? फोटो ट्वीट करत म्हणाले,’या गाडीत बसलेले…’
- प्रभू वैद्यनाथ मंदिराची एक विट सुद्धा इकडची तिकडे होणार नाही- धनंजय मुंडे
- अशा प्रसंगी परमेश्वर व सरकार तरी काय करणार?- संजय राऊत
- ‘…याला उशिरा सुचलेले शहाणपण म्हणतात’, भाजपवर राऊतांची टोलेबाजी
- महाराष्ट्राची सत्ता हातात घेण्यासाठी राज्य पेटवायचा डाव- यशोमती ठाकूर
