देशात अवघड मानल्या जाणाऱ्या सीए परीक्षेत मुंबईच्या कोमल जैनचा पहिला क्रमांक !

मुंबई : देशात अवघड परीक्षांमध्ये गणल्या जाणाऱ्या सीए-२०२०च्या नव्या अभ्यासक्रमाचा  निकाल आज जाहीर झाला आहे. चार्टर्ड अकाऊन्टंच्या जुन्या व नव्या अभ्यासक्रमाचा निकाल जाहीर झाला आहे. यामध्ये सीए नव्या अभ्यासक्रमाच्या परीक्षेत मुंबईच्या कोमल जैनने देशात पहिला क्रमांक पटकावला आहे.

हे अभिमानास्पद असून कोमलने 75 टक्के मिळवून देशात पहिला येण्याचा मान मिळवला आहे. कोमलने आर. ए. पोदार कॉलेजमध्ये २०१९मध्ये बी कॉमचं शिक्षण पूर्ण केलं. तर याच दरम्यान ती सीए परीक्षेची तयारी करत होती. तिला ८०० पैकी ६०० गुण म्हजेच ७५ टक्के मिळाले आहेत. सुरतच्या मुदीत अग्रवालने दुसरा, तर मुंबईच्या राजवी नाथवनीने तिसरा क्रमांक प्राप्त केला आहे.

दरम्यान, जुन्या अभ्यासक्रमापेक्षा नव्या अभ्यासक्रमाचा निकाल हा अधिक लागला आहे. सीए परीक्षेच्या जुन्या अभ्यासक्रमाचा निकाल 5.84 टक्के तर नव्या अभ्यासक्रमाचा निकाल 14.47 टक्के लागला आहे. ‘सल्लागार किंवा वित्त यापैकी कोणत्या क्षेत्रात जायचं हे अद्याप ठरवलेलं नाही,’ असं कोमल जैनने सांगितलं आहे. कोरोना काळात विद्यार्थ्यांवर अधिक तणाव निर्माण झाला होता. अनेकदा ही परीक्षा पुढे ढकलण्यात आल्यानंतर २०२० च्या नोव्हेंबरमध्ये प्रत्यक्ष पद्धतीने घेण्यात आली होती.

महत्वाच्या बातम्या

• आता मुंबईकरांना सोयीनुसार लोकल प्रवास करता येणार ? राजेश टोपेंनी दिले संकेत
• शालेय फीमध्ये सवलत मिळावी यासाठी मनसेचं वर्षा गायकवाड यांना निवेदन
• आता ६ फेब्रुवारीला शेतकरी करणार देशभर चक्का जाम
• गोपीचंद पडळकर आक्रमक; मुख्यमंत्र्यांना दिला १५ दिवसांचा अल्टीमेटम !
• महाविद्यालये सुरु करण्याबाबत उदय सामंत यांनी दिली माहिती !