मुंबई : अंबानी यांच्या घरासमोर सापडलेल्या स्फोटक प्रकरणात सुरु असलेल्या चौकशीत प्रत्येक दिवशी नवनवीन आणि धक्कादायक खुलासे होताना दिसत आहेत. मुंबईमध्ये गाडीत स्फोटक सापडल्या प्रकरणी मुंबई पोलीस दलाचे निलंबित अधिकारी सचिन वाझे यांना राष्ट्रीय सुरक्षा तपास यंत्रणा अर्थात एनआयएने अटक केली आहे. सचिन वाझेंना २५ मार्च पर्यंत एनआयए कोठडी सुनावण्यात आली आहे
याप्रकरणी, रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी प्रतिक्रिया दिली असून वाझेंच्या मागे असलेल्या व्यक्तीचा शोध घेतला पाहिजे अशी मागणी केली आहे. ‘मुंबई पोलीस दल जगात श्रेष्ठ उत्कृष्ट पोलीस दल आहे.मात्र सचिन वाझे प्रकरणामुळे मुंबई पोलिसांच्या प्रतिमेला कलंक लागला आहे. या प्रकरणी पोलीस आयुक्तांची बदली करण्याचा निर्णय स्वागतार्ह असला तरी सचिन वाझेंमागे कोण आहे याची चौकशी झाली पाहिजे,’ अशी मागणी रामदास आठवले यांनी केली आहे.
‘उद्योगपती मुकेश अंबानी यांच्या निवासस्थानासमोर स्फोटके ठेवण्यामागे षडयंत्र कुणाचे आहे. या प्रकरणी संशयास्पद भूमिका असणारे सचिन वाझे यांचा मनसुख हिरेन यांच्या मृत्यूमागे मागे हात असण्याची शक्यता असून सचिन वाझे मागे कोण आहे याबाबत चौकशी झाली पाहिजे. राष्ट्रीय तपास संस्थेने चौकशी केली नसती तर सचिन वाझे सारखा अधिकारी पोलीस दलावर आणखी कलंक फासत राहिला असता. मुख्यमंत्री उद्धव ठाकरे सरकारने तर सचिन वाझे यांना सुरुवातीला संरक्षण देण्याची चुकीची भूमिका घेतली होती, असे रामदास आठवले म्हणाले.
महत्त्वाच्या बातम्या
- ‘शाळेत डान्सबार सुरू करण्याची परवानगी द्या’; संस्थाचालकांची मुख्यमंत्र्यांकडे मागणी
- इन फॉर्म ईशान किशनला संघातून डावलल्याने चाहत्यांमध्ये नाराजी; कारण आले समोर
- “वाझेंमुळे ‘मातोश्री’ अडचणीत, आता त्यांच्या जीवाला धोका; तातडीने संरक्षण द्या”
- मामाच्या घरी लग्नासाठी आलेली दोन मुले कालव्यात बुडाली
- ‘शुभंमगल’साठी जाताना सावधान! आधार कार्डाशिवाय वऱ्हाडीनांही ‘नो एन्ट्री’
