मुंबई : मुंबईत द्रुतगती महामार्ग आणि मुख्य रस्त्यांच्या ठिकाणी पुरेशा प्रमाणात शौचालयांची व्यवस्था नसल्यामुळे प्रवासी, नागरिक आणि बाहेरगावहून येणाऱ्या प्रवाशांची मोठ्या प्रमाणात गैरसोय होते. आता हीच गैरसोय टाळण्यासाठी पर्यटनमंत्री आदित्य ठाकरे यांनी पुढाकार घेतला आहे. आदित्य ठाकरे यांच्या संकल्पनेतून मुंबई महापालिका ‘टॉयलेट ऑन व्हिल’ हा स्तुत्य उपक्रम राबविणार आहे.
मुंबईत प्रमुख मार्गांवर पालिकेच्या माध्यमातून ‘टॉयलेट ऑन व्हिल’ उपक्रम राबविण्यात येणार आहे. ‘झोन-7’ मध्ये कांदिवली, बोरिवली आणि दहिसर विभागात महापौर किशोरी पेडणेकर यांनी या उपक्रमाचा आढावा घेऊन दहा जागा निश्चित केल्या आहेत.
आर/ दक्षिण विभागातील पश्चिम द्रुतगती महामार्ग, गंगानगर, कांदिवली (पूर्व), आर/ मध्य विभागातील पश्चिम द्रुतगती महामार्ग, बोरिवली ( पूर्व) येथील पेट्रोल पंपच्या बाजूला, सुधीर फडके पुलाच्या बाजूला, आर उत्तर विभागातील संजय गांधी राष्ट्रीय उद्यानासमोरील द्रुतगती महामार्गाच्या पुलाच्या खाली, आदिनाथ टॉवर, राष्ट्रीय उद्यानाच्या बाजूला, पश्चिम द्रुतगती महामार्ग, सर्विस रोड या जागांची पाहणी करण्यात आली आहे.
गाड्यांच्या स्वरूपात असणाऱ्या या स्वच्छतागृहांमध्ये महिला आणि पुरुषांसाठी व्यवस्था असेल. वापरकर्त्यांना मुबलक पाणी उपलब्ध करून दिले जाणार आहे. शिवाय संबंधित ठिकाणी स्वच्छता राहण्यासाठी विशेष खबरदारी देखील घेण्यात येणार आहे. शिवाय शौचालयातील मलजलावर केमिकलच्या माध्यमातून प्रक्रिया करूनच सांडपाण्यात सोडले जाणार असल्याची माहिती महापौर पेडणेकर यांनी दिली आहे.
महत्वाच्या बातम्या
- ‘हे चोर, खुन्याचं सरकार बरखास्त करा’; प्रकाश आंबेडकर घेणार राज्यपालांची भेट
- ‘१०० कोटींच्या टारगेटसाठी तुम्ही देवांना कोंडून ठेवलं, या सरकारचा लवकरच नायनाट होईल’
- ‘स्व.आर.आर. आबांच्याच पक्षाच्या गृहमंत्र्याने महाराष्ट्राच्या गृहखात्याला कलंकित केले’
- आज दिल्लीत अजित पवार, जयंत पाटील यांची शरद पवारांसह तातडीची बैठक
- तुडुंब भरुन जाणाऱ्या बसमधून जायला कोणता रिपोर्ट?, जुई गडकरीचा सवाल
