मुंबई : मुकेश अंबानी यांच्या कंपनी रिलायन्स जिओ इन्फोटेक लिमिटेडमध्ये व्यवस्थापन स्तरावर मोठे बदल करण्यात आले आहेत. बाजार नियामक सेबी (SEBI) ला दिलेल्या माहितीत, रिलायन्स जिओने सांगितले की बोर्डाची बैठक २७ जून २०२२ रोजी झाली होती. बैठकीत रिलायन्स जिओच्या बोर्डाने आकाश अंबानी यांची बोर्डाच्या अध्यक्षपदी नियुक्ती करण्यास मान्यता दिली आहे. मुकेश अंबानी यांनी २७ जूनपासून कंपनीच्या संचालकपदाचा राजीनामा दिला आहे.
कंपनीच्या संचालक मंडळाच्या अध्यक्षपदी आकाश एम. अंबानी यांची मॅनेजिंग डायरेक्टर म्हणून नियुक्ती मंजूर करण्यात आली आहे. पंकज मोहन हे व्यवस्थापकीय संचालक असतील. पंकज मोहन पवार २७ जूनपासून कंपनीचे व्यवस्थापकीय संचालक म्हणून पदभार स्वीकारणार आहेत. पंकज मोहन पुढील पाच वर्षे व्यवस्थापकीय संचालक म्हणून काम पाहतील. अतिरिक्त संचालक रामिंदर सिंग गुजराल आणि के.व्ही. चौधरी आता स्वतंत्र संचालक म्हणून काम पाहणार आहेत.
सेबीला दिलेल्या माहितीनुसार, कंपनीचे संचालक म्हणून मुकेश डी. अंबानी यांनी २७ जून २०२२ पासून आपल्या पदाचा राजीनामा दिला आहे. २७ जून रोजी बाजार बंद झाल्यानंतरच मुकेश अंबानी यांचा हा राजीनामा वैध ठरला आहे. कंपनीच्या संचालक मंडळाने नॉन एक्झिक्यूटिव्ह डायरेक्टर आकाश अंबानी यांच्या अध्यक्षपदी नियुक्तीला मान्यता दिली आहे.
आकाश अंबानीचे जिओमध्ये महत्त्वाचे योगदान आहे आकाश अंबानी, ब्राउन युनिव्हर्सिटीमधून अर्थशास्त्रात पदवीधर होण्यापूर्वी, त्याचे वडील मुकेश अंबानी कंपनीचे चेअरमन म्हणून काम पाहत होते. बोर्डाने मुकेश अंबानी यांचा अध्यक्षपदाचा राजीनामाही स्वीकारला आहे. नव्या पिढीकडे नेतृत्व सोपवण्याच्या दृष्टिकोनातून या नियुक्तीकडे पाहिले जात आहे. मुकेश अंबानी हे Jio Platforms Limited चे अध्यक्ष राहतील.
महत्वाच्या बातम्या :
बातम्यांसाठी YouTube चॅनेल Subscribe करा
Subscribe Now
