खासदार नवनीत राणांवर मानहानीचा दावा ठोकणार, यशोमती ठाकूर यांचा इशारा

बुलडाणा : अमरावतीच्या खासदार नवनीत राणा यांच्यावर आपण लवकरच मानहानीचा दावा ठोकणार असल्याचा इशारा राज्याच्या महिला व बालविकास मंत्री अॅड. यशोमती ठाकूर यांनी दिला आहे. बुलडाणा जिल्ह्यात आल्या असता त्या पत्रकारांनी विचारलेल्या प्रश्नाला उत्तर देत होत्या. खासदार राणा यांनी केलेले सर्व आरोपही त्यांनी फेटाळून लावले आहेत.

खासदार नवनीत राणा यांनी ठाकूर यांना खुले आवाहन देत त्यांच्यावर भ्रष्ट्राचाराचे आरोप केले होते. अमरावती जिल्ह्यात कुपोषणामुळे बालकांचे मृत्यू झाल्याचा आरोपही राणा यांनी केला होता.  इतकेच नाही तर, यशोमती ठाकूर यांनी स्वत:च चौकशी समितीच्या मार्फत चौकशी करण्याचे आव्हान देखील त्यांनी दिले होते. यावर आपण आता त्यांच्यावर मानहानीचा दावा करणार असल्याचे अॅड. यशोमती ठाकूर यांनी म्हटले आहे.

यशोमती ठाकूर यांनी खासदार राणा यांनी केलेले सर्व आरोप फेटाळले आहेत. तर खासदार नवनीत राणा या नेहमीच वायफळ बोलतात त्यांना त्याची सवय आहे, असे सांगत आपण त्यांच्याविरुद्ध मानहानीचा दावा दाखल करणार असल्याची माहिती दिली. मंत्री ठाकूर यांच्या या इशाऱ्यानंतर आता खासदार राणा यांच्या अडचणीत वाढ होण्याची शक्यता आहे.

महत्त्वाच्या बातम्या

• परमबीर सिंह यांच्याबद्दल नवीन खुलासा, सचिन वाझेला रोजचे २ कोटींचे टार्गेट
• ‘नारायण राणे म्हणजे दुतोंडी साप’, नीलम गोऱ्हेंचा शाब्दिक बाणांतून हल्ला
• ‘तहसीलदार ज्योती देवरे’ प्रकरणाला वेगळे वळण, प्रशासकीय अहवालातून धक्कादायक बाब उघड
• राज ठाकरेंचा राष्ट्रवादीवर जातीयवादाचा आरोप; खा.सुप्रिया सुळे म्हणाल्या..
• पोलिसांना दिलेले चॅलेंज अंगलट! बैलगाडी शर्यत प्रकरणी पडळकरांसह ४१ कार्यकर्त्यांवर गुन्हा