शिवसेनेचा विरोध मावळला मात्र, मातृ-पितृ पूजन कायम

औरंगाबाद : मधल्या काळात व्हॅलेंटाईन डेला विरोध करणारी शिवसेना, आता मधल्या काही काळापासून विरोध न दर्शवता, मातृ-पितृ पूजन कार्यक्रमाचे आयोजन दिनांक १४ फेब्रुवारी रोजी आयोजित करत आहे. आधी आक्रमकतेने विरोध करणाऱ्या शिवसेनेचा व्हॅलेंटाईन डेचा विरोध मावळला आहे.

यंदाही १४ फेब्रुवारी रोजी शिवसेनेच्या वतीने ज्योतीनगर मधील कवितेच्या बागेत सायंकाळी ५ वाजता मातृ-पितृ पुजनाचे आयोजन करण्यात आले आहे. यावेळी मूळ विधीवत, शास्त्रोक्त पद्धतीने वेदपठणाच्या मंत्रोच्चारात आप-आपल्या माता-पित्यांचे पूजन करण्यात येणार आहे. असे कार्यक्रमाचे संयोजक आमदार अंबादास दानवे यांनी कळवले आहे.

आजकालची तरुण पिढी पाश्चिमात्य संस्कृतीचे अवलोकन करत व्हॅलेंटाईन डे सारखे पाश्चिमात्य सण साजरा करताना दिसतात. या पाश्चिमात्य संस्कृतीला फाटा देत तरुण पिढीला भारतीय संस्कृतीची, संस्कारांची ओळख व्हावी, आपल्या खऱ्या संस्कृतीची जाण असावी. त्याचप्रमाणे माता पित्यांच्या प्रती प्रेम, माया ,निष्ठा, श्रद्धा याचे ऋण व्यक्त करण्याच्या उदात्त हेतुने या मातृ-पितृ पूजन कार्यक्रमाचे आयोजन करण्यात आले आहे. शिवसेना नेते पालकमंत्री सुभाष देसाई, शिवसेना नेते चंद्रकांत खैरे, संपर्कप्रमुख विनोद घोसाळकर, आमदार मनीषा कायंदे यांच्या मार्गदर्शनाखाली या कार्यक्रमाचे आयोजन करण्यात आले असून आमदार संजय शिरसाट, आमदार प्रदीप जैस्वाल यांची प्रमुख उपस्थिती कार्यक्रमास राहणार आहे.

महत्त्वाच्या बातम्या 

• शरद पवार हे दिलदार राजकारणी, सुशीलकुमार शिंदेंनी उधळली स्तुतिसुमने
• ‘या’ जिल्हा मध्यवर्ती सहकारी बँकेत घोटाळा, ग्राहकांचे तब्बल दीड कोटी लाटले…
• १५०० स्वेअर फूटापर्यंतच्या बांधकामाला परवानगीची गरज नाही- शिंदे
• औरंगाबादचे नामकरण लवकरच संभाजीनगर, एकनाथ शिंदेंची माहिती
• कापुसवाडगावात ‘महिला राज’, सरपंचपदी आशाबाई धामणे, मंदा थोरात उपसरपंचपदी