मुंबई : गेल्या अनेक दिवसापासून विवेक अग्निहोत्री निर्मित द काश्मीर फाइल्स या चित्रपटावरून वादविवाद सुरूच आहे. नरेंद्र मोदींनी या चित्रपटाचे तोंडभरून कौतुक केले होते. तर विरोधकांकडून या चित्रपटावर वेळोवेळी टीकाही झाली आहे. अरविंद केजरीवाल, शरद पवार यांनी देखील या चित्रपटावर नुकतीच टीका केली आहे.
तसेच अनेक भाजपशासित राज्यामध्ये हा चित्रपट करमुक्त करण्यात आला होता. इतर राज्यातही हा चित्रपट करमुक्त करावा अशी मागणी वारंवार करण्यात येत आहे. भाजपने अनेक ठिकाणी या चित्रपटाचा प्रचार ही केला आहे.
आता माजी मुख्यमंत्री सुशीलकुमार शिंदे यांनी यावर भाष्य करत पंतप्रधान नरेंद्र मोदींवर टीका केली आहे. म्हणाले, द काश्मीर फाइल्स चित्रपट मी अजून पाहिलेला नाही. काश्मीरवर चित्रपट काढला असेल तर ठीक आहे. मात्र त्याआधी राणा नावाच्या एका लेखकाने गुजरात फाइल्सवर फार चांगले लेखन केले आहे. पंतप्रधान मोदींनी त्याचीही प्रसिद्धी करावी असा खोचक टोला थेट लगावला.
महत्वाच्या बातम्या –
