शरद पवारांसह मंत्र्यांच्या गाड्या थेट ५ कोटींच्या सिंथेटिक ट्रॅकवर; भाजपने केली टीका

🕒 1 min read

पुणे : एकाबाजूला ऑलिम्पिकची तयारी जगभरात जोरदार सुरु आहे. देशातील विविध क्रीडा प्रकारांचे खेळाडू देखील कसून सर्व करत असून यंदा देशासाठी अधिक पदकं आणावीत यासाठी घाम गाळत आहेत. भारतात आधीच विविध क्रीडाप्रकारांसाठी योग्य प्रशिक्षण आणि सोय नसल्याने खेळाडूंना अनेक संकटांना सामोरे जावे लागते. आता खेळाडूंसाठी विविध सोयी करण्यासाठी पुढाकार घेतला जात असतानाच पुण्यातून एक धक्कादायक प्रकार समोर आला आहे.

म्हाळुंगे बालेवाडी परिसरात उभारल्या जाणाऱ्या आंतरराष्ट्रीय क्रीडा विद्यापीठात सुमारे 5 कोटी रुपये खर्च करून हा आंतरराष्ट्रीय दर्जाचा सिंथेटिक ट्रॅक उभारला आहे. पण, या ट्रॅकवरच राष्ट्रवादी काँग्रेसचे अध्यक्ष शरद पवार, राज्याचे क्रीडामंत्री सुनील केदार आणि राज्यमंत्री अदिती तटकरे यांच्या गाड्या उभ्या करण्यात आल्यामुळे खळबळ उडाली आहे.

सुमारे 5 कोटी रुपये खर्च करून हा आंतरराष्ट्रीय दर्जाचा सिंथेटिक ट्रॅक उभारला गेला आहे. महत्वाचं म्हणजे,  खेळाडूंच्या सरावा व्यतिरिक्त इथं पायी चालण्याचीही परवानगी नसते. हे माहीत असून देखील, आलेल्या मंत्र्यांचे दोन मजले चढण्याच श्रम वाचावं आणि आपल्याला शाबासकी मिळावी यासाठी क्रीडा अधिकाऱ्यांनी केल्या या करामतीमुळे क्रीडा विभागाचा ढिसाळ कारभार चव्हाट्यावर आला आहे.

At a time when Indian athletes are preparing for Olympics, Sharad Pawar, former IOA president and other MVA ministers, in a brazen display of arrogance, run their cars on the tracks of Shivchhatrapati Sports Complex (Pune), because they didn’t want to climb two flights of stairs! pic.twitter.com/ufpfk04mQw

— Amit Malviya (@amitmalviya) June 27, 2021

यावर भाजपने टीकास्त्र सोडलं आहे. भाजपाचे आयटी सेलचे प्रमुख अमित मालवीय यांनी एका ट्विटद्वारे लक्ष वेधलं आहे. ‘भारतीय धावपटू ऑलिम्पिकची तयारी करत असतानाच्या काळात ऑलम्पिक संघटनेचे माजी अध्यक्ष शरद पवार आणि महाविकास आघाडीतील अन्य मंत्र्यांनी अंहकाराचं दर्शन घडवत आहेत. पुण्यातील शिवछत्रपती क्रीडानगरीत ट्रॅकवरून गाड्या नेण्यात आल्या, कारण त्यांना पायऱ्या चढायच्या नव्हत्या म्हणून,’ अशी टीका मालवीय यांनी केली आहे.

महत्वाच्या बातम्या

• ‘गोपीचंद पडळकर हे बांडगुळ आहेत आणि अशी बांडगुळं वाढतायत’; शिवसेना आमदाराचा पलटवार
• ‘प्राध्यापकांच्या भरतीचा निर्णय अंतिम टप्प्यात ; लवकरच भरणार ३ हजार पदांच्या जागा’
• ‘ओबीसींना आरक्षण दिल्याशिवाय पुढच्या निवडणुका होऊ द्यायच्या नाहीत’; पंकजा मुंडे कडाडल्या
• हुश्श ! आता लहान मुलांनाही मिळणार कोरोना लस ; चाचणीला लवकरच होणार सुरुवात
• ‘ओबीसी असल्यानंच महसूल खातं मिळालं नाही’; वडेट्टीवारांनी जाहीरपणे बोलून दाखवली खंत